ХДХВ-ийн халдвартай өвчтөнд эмнэлгийн тусламж, үйлчилгээ үзүүлэх журам, гарын авлагыг шинэчлэн гаргаснаа ОХУ-ын Эрүүл мэндийн яам цахим хуудсаараа дамжуулан мэдээлсэн байна.

Жирэмсэн эмэгтэйчүүдийн нэгээс дээш хувьд нь ХДХВ-ийн халдвар илэрч байгаа учраас эмнэлгийн байгууллагад хандаж байгаа 15-55 насны бүх эмэгтэй, мөн ХДХВ-ийн шинжилгээнд хамрагдсанаас хойш гурваас дээш жил өнгөрсөн эмэгтэйчүүдийг ХДХВ-ийн шинжилгээнд хамруулахаар шинэчилсэн байна.

Шинжилгээгээр халдвартай байх магадлалтай гарсан өвчтөнийг ДОХ-ын эсрэг эмчилгээ, үйлчилгээ үзүүлдэг мэргэжлийн байгууллагууд руу шилжүүлэн шаардлагатай шинжилгээ, эмчилгээнд хамруулах юм.

Эх сурвалж: РИА НОВОСТИ