NEWS  агентлаг энэ долоо хоногт Монголын түүхэнд өрнөсөн онцлох үйл явдлыг тоймлон хүргэж байна

1922.01.25 Ардын засгийн газраас “Хамжлагат ёсыг халах” тухай шийдвэр гаргажээ.

1926.01.20 Аливаа яам, тамгын газрын түшмэдүүд ээлж халалцан суудаг ёсыг халах тухай шийдвэр гарч байжээ.

1929.01.23 Цэргийн явдлын яамны сайдаар Ё.Сандагсүрэн томилогдов.

1929.01.24 БНМАУ-ын 12-р Бага хурал хуралдав. Тус хурлаар Х.Чойбалсанг Улаанбаатар  хотын тэргүүлэгчдийн даргаар сонгов.

1933.01.20 Сайд нарын зөвлөлийн шийдвэрээр ардын цэргийн ангиудаас зарим анги, салбарыг Хязгаарын цэрэгт шилжүүлэн өгөхөөр заажээ.

1936.01.26 Булан дэрсний постонд үүрэг гүйцэтгэж байсан хилийн манааг баргын морьт бүлэг дайрч, Ш.Гонгорын удирдсан цэргүүдэд цохигдов. Энэ үеэр гарамгай гавьяа байгуулсан Шагдарын Гонгорт БНМАУ-ын баатар цол олгожээ.

1950.01.23 Улсыг батлан хамгаалах яамны сайдаар Цэдэнгийн Жанчив томилогдов.

1954.01.21 Хилийн байцаан өнгөрүүлэх ангиуд гаалийн үзлэг, шалгалтыг хавсран хийж эхлэв.

1967.01.24 БНМАУ-Этиоп улсын хооронд дипломат харилцаа тогтоов.

2011.01.24 Нийслэлийн агаарын бохирдлыг бууруулах тухай хуулийн төслийг УИХ-д өргөн мэдүүлэв.

2015.01.24 Монгол Улсын гурван сая дахь иргэн мэндлэв. Энэ өдөр Монголд шинээр 181 иргэн мэндэлснээс гурав нь гадаадад,178 нь эх орондоо төрсөн ба эдгээр хүүхдүүдээс Өмнөговь аймгийн Даланзадгад сумын нэгдсэн эмнэлэгт амаржсан Энхтүвшингийн Хатанболд, Ганбатын Аззаяа нарын охиныг Монгол Улсын 3 сая дахь иргэнээр тодруулсан юм.