Ц.Сандуй, А.Ганбаатар, Д.Гантулга нар давж заалдана | News.MN

Ц.Сандуй, А.Ганбаатар, Д.Гантулга нар давж заалдана

Ц.Сандуй, А.Ганбаатар, Д.Гантулга нар давж заалдана

Ц.Сандуй, А.Ганбаатар, Д.Гантулга нар давж заалдана

Төрийн албыг зарж, 60 тэрбумыг босгохыг завдсан үндэслэлээр хуулийнханд шалгагдаж, Баянгол дүүргийн анхан шатны шүүхээс дөрвөн жилийн хорих ял авсан Нийслэлийн Иргэдийн Төлөөлөгчдийн Хурал /НИТХ/-ын дарга Ц.Сандуй, туслах А.Ганбаатар нар өнгөрөгч 2019 оны арванхоёрдугаар сарын 24-нд давж заалдсанаар хэрэг нь прокурор руу буцсан.

Тодруулбал, Нийслэлийн давж заалдах шатны шүүхээс А.Ганбаатар, Ц.Сандуй нарт холбогдох эрүүгийн хэргийн анхан шатны шүүхийн шийдвэрийг хүчингүй болгож, хэргийг прокурорт буцаан, 60 тэрбумын бичлэгийг анх олон нийтэд дэлгэсэн иргэн Г.Доржзодовыг ялаас чөлөөлж, анхан шатны шүүхэд гэрчээр дуудсан нь үндэслэлгүй байна гэж үзлээ. Ингэснээр 60 тэрбумын схем боловсруулсан гэх Г.Доржзодов шалгагдах болж байна.

Энэ талаар А.Ганбаатарын өмгөөлөгч Б.Мэргэнээс тодруулахад “Сар гаруйн өмнө давж заалдах хурал болоод өнгөрсөн Баасан гаригт /2020.01.17/ анхан шатны шүүхэд материал нь очсон. Анхан шатны шүүхэд очсоноос 30 хоногийн дотор прокурор эсэргүүцэл бичих эрхтэй. Прокурор эсэргүүцэл бичихгүй бол суллах эсэх ээ шийднэ” гэж тайлбарлалаа. Ц.Сандуй, А.Ганбаатар нар өдгөө ШШГЕГ-ын харьяа цагдан хорих 461 дүгээр ангид хоригдож байгаа юм.

Д.ГАНТУЛГЫН ДАВЖ ЗААЛДАХ ШАТНЫ ШҮҮХ ХУРАЛ НЭГДҮГЭЭР САРЫН 23-НД БОЛНО

УИХ-ын гишүүн асан Д.Гантулгад холбогдох хэргийн шүүх хурал Хан-Уул дүүргийн эрүүгийн хэргийн анхан шатны шүүхэд 2019 оны арваннэгдүгээр сарын 12-нд болсон. Шүүхээс түүнд холбогдох эхний хэрэгт 1 жил 4 сар, хоёр дахь хэрэгт найман сар нийт хоёр жилийн хорих ял оноосон юм.

Тэрбээр давж заалдах хүсэлтээ шүүхэд өгснөөр өнгөрөгч долоо хоногт давж заалдах шатны шүүх хурал товлогдоод байсан юм. Гэвч түүний өмгөөлөгчийн хүсэлтээр хурал нэгдүгээр сарын 23-ны өдөр хүртэл хойшилжээ.

Хэргийг сануулахад, УИХ-ын гишүүн асан Д.Гантулга хоёр ч удаа хүчингийн хэрэгт холбогдсон байдаг. Д.Гантулга 2017 оны зургадугаар сард 25 настай эмэгтэйг хүчиндсэн хэрэгт холбогдон, УИХ-ын гишүүний бүрэн эрхээс татгалзах хүсэлтээ гаргасан бол 2018 оны арваннэгдүгээр сарын 27-нд өөр нэгэн эмэгтэй гишүүн асан Д.Гантулга өөрийг нь хүчирхийлэхийг завдсан хэмээн хуулийн байгууллагад хандсан байдаг.

Э.АРИУН 

"Болор дуран"-аар шалгав.
Энэ мэдээнд өгөх таны сэтгэгдэл?
3
ХахаХаха
1
ХарамсалтайХарамсалтай
1
ТэнэглэлТэнэглэл
0
ЗөвЗөв
0
ХөөрхөнХөөрхөн
0
ГайхмаарГайхмаар
0
БурууБуруу
Баярлалаа!

Холбоотой мэдээ

9 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Иргэн 2020-01-20 202.126.88.204

Хүрэлсүхийн дэглэсэн жүжиг юмаа даа

Avatar

Эмүжин 2020-01-20 43.242.243.48

Зүйтэй. Нэрээ цэвэрлэ

Avatar

Зочин 2020-01-20 66.181.161.2

Бүр цайцан байх юмаа.

Avatar

ЗАС 2020-01-20 59.153.115.178

2 удаа хүчин хийсэн хүнд 2 жилийн ял өгдөг ийм өгөөмөр хуультай улс Монголоос өөр хаана ч байхгүй. хүүрийг засаад 2 төмсгийг нь халимагт мзүүгээд олны өмнүүр явуулаач

Avatar

Haha 2020-01-20 64.119.16.131

Oyungereltei ni hori

Avatar

НАМСРАЙ 2020-01-20 103.240.241.110

Доржзодов ерөнхийлөгчийн ялуулж өгсөн буянтан болохоор түүний томилсон шүүх прокууд яллахгүй ээ, Сандуй Ганбаатар2г хэрэг хийгээгүйн бүгд мэдэж байгаа ч хүний өгөөшийг үмхсэн хар толгойгоо чаагаад ялаа эдлэээс арга бхгүй

Avatar

Зочин 2020-01-20 83.23.234.102

Shiitgeliin changlaad og har durakuud

Avatar

Зочин 2020-01-20 202.55.188.92

ЭНЭ МУУ ХОЁР Ч ЯАХАВ. ЗҮГЭЭР Л БУУНЫ НОХОД. ГОЛ ЭТГЭЭД УИХ-Д САНДАЙЛЖ СУУЧИХААД ХӨШИГНИЙ ЦААНААС ЧИМЭЭГҮЙХЭН ХАРЖ Л СУУГАА. ЗА ЯАХАВ ОДООХОНДОО ТЭГЖ Л БАЙГ. БҮХ ЮМ ИЛЭРНЭ. БҮХ УЛС, БҮХ ТҮҮХИЙГ ХАРВАЛ АВИЛГАЧИД АМЬД БАЙХДАА ХЭЗЭЭ НЭГ ЦАГТ ЗААВАЛ ШОРОНД ОРЖ, ЯЛАА ЭДЭЛДЭГ НИГУУРТАЙ БАЙДАГ ЮМ

Avatar

Зочин 2020-01-20 88.125.80.192

Доржзодовтойгоо хамтдаа суух ёстой л гэж давж заалдаж байгаа юм байх даа.

NewsMN Гар утасны хувилбар Татах
NEWS.mn

Мэдээллийн эх сурвалж