Сурагчдын амралт дуусч, маргааш хичээл эхлэхтэй холбоотойгоор “UB school” аппликэйшн зохион бүтээжээ. Энэхүү аппликэйшны тусламжтайгаар эцэг эхчүүд хүүхдийнхээ байршлыг хянах боломжтой. Ингэхдээ сургуулийн автобусаар зорчигч хүүхдүүдэд NFC чип бүхий бугуйвчийг даваа гаригаас /2020.01.20/ олгох юм.

Сурагчид автобусанд суух болон буух үедээ бугуйвчийг төхөөрөмжид уншуулна. Харин эцэг эхчүүд бугуйвчны бар кодыг “UB school” аппликэйшнд бүртгүүлэх ёстой аж. Сануулахад, өнгөрсөн оны арваннэгдүгээр сарын 15-наас эхлэн нийслэлийн 33 чиглэлд 40 автобусаар сургуулийн автобус үйлчилж буй. Сургуулийн автобусаар нийт 29 сургуулийн 3000 орчим хүүхэд үйлчлүүлж байгаа юм.

Б.ЦЭЦЭГ