Тээврийн хэрэгслийн эзэмшигч та Авто тээврийн болон өөрөө явагч хэрэгслийн албан татвар, Агаар бохирдлын төлбөр, Авто зам ашигласны төлбөр хураамжаа энэ сараас эхэлж төлнө үү.
Автомашины тань улсын дугаарын сүүлийн тоо 1 болон 6-аар төгссөн бол та нэгдүгээр сард буюу энэ сард багтаан татвар төлөх ёстой. Хэрвээ танд банк явах зав зай хомс буй бол санаа зоволтгүй.
Авто тээврийн хэрэгсэл эзэмшигч, тээврийн хэрэгслийн албан татвар, төлбөрийг төлж буй татвар төлөгч нь өөрийн харьяаллын дагуу татварын албаны дансанд төлөх эсвэл ухаалаг утасны SMARTCAR аппликейшн болон тээврийн хэрэгслийн нэгдсэн цахим үйлчилгээний www.smartcar.mn, www.e-tax.mta.mn цахим хуудсаар дамжуулан, цаг хугацаагаа хэмнэж, авто тээврийн хэрэгслийн албан татвар, агаарын бохирдол, зам ашигласны төлбөрийг аль ч банкны онлайн гүйлгээний эрхтэй төлбөрийн карт, QPay үйлчилгээгээр дамжуулан төлбөрөө төлөх бүрэн боломжтой. Мөн ГЭРЭГЭ киоск машинаар дурын банкны картаар төлөх боломжтой.
Иргэн та авто тээврийн болон өөрөө явагч хэрэгслийн албан татвар, агаар бохирдлын төлбөр, авто зам ашигласны төлбөрийг онлайнаар төлсөн бол төлбөрийн баримтаа хэвлэж, тээврийн хэрэгслийн гэрчилгээндээ хавсаргаарай. Эсвэл өөрт ойрхон татвар хураах дурын цэгт төлбөрийн баримтаа шалгуулж, тамга даруулан баталгаажуулах боломжтой юм.
Зочин 2020-01-18 103.229.121.148
Smartcar chin tatvar tolj bolohgvi, e-tax ni bur ajillahgvi baina archaagvi iumnuud eniigee zasaach ehleed
ХУД-ийн иргэн Ш.Раднаа 2020-01-18 64.119.16.98
Ахмад хүмүүсийн нэлээд нь цагаан сараас өмнө бүх татвар хураамжаа төлдөг заншилтай. Би автын татвараа хуваариар 6 сард төлөх ёстой боловч жил бүр он гарангуут төлдөг.Гэтэл энэ сарын 8-нд ХУД-ийн татварынн албанд очиход татвар авахад бэлэн бус байна шүү. Би олон дахин явмааргүй байна гэж учирлаж байж төлсөн.Цаанаасаа эрх нээдэг гэнэ үү нэг гох дэгээ байх шиг байна.
Zochin 2020-01-18 66.181.181.23
Тани шиг хүн Монголд олон байвал улс орон минь хурдан хөгжинө. Залуучууд үлгэр жишээ авах хэрэгтэй.