Туйлбаргүй ДАРГА буцахдаа АМАРХАН | News.MN

Туйлбаргүй ДАРГА буцахдаа АМАРХАН

Туйлбаргүй ДАРГА буцахдаа АМАРХАН

Туйлбаргүй ДАРГА буцахдаа АМАРХАН

Улаанбаатарын хотын даргаар С.Амарсайхан сонгогдоод жил шахам болж байгаа билээ. Монгол Улсын хүн амын гуравны нэг нь амьдардаг нийслэл хотод өнгөрсөн нэг жил ямар бодлого шийдвэр гарч, ухарч буцаж байсныг тоймлон хүргэе. 


ЗАМ АШИГЛАСНЫ ТӨЛБӨРИЙГ ТАВ ДАХИН НЭМЭХ ТОГТООЛЫГ ЦУЦЛАВ

Нийслэлийн Иргэдийн Төлөөлөгчдийн Хуралдаан  2019 оны арванхоёрдугаар сарын 2-ны өдөр болж, авто зам ашигласны төлбөрийг тав дахин нэмэгдүүлэх шийдвэр гаргасан нь нийгмийн талцуулахад хүргэсэн гэхэд хилсдэхгүй. Улмаар арванхоёрдугаар сарын 6-ны өдөр  НИТХ хуралдаж “Авто зам ашигласны төлбөрийн хувь хэмжээг шинэчлэн тогтоох тухай” 29/30 дугаар тогтоолыг хүчингүй болгож хотын дарга шийдвэрээсээ дургүйхэн ухарсан юм.

Хотын захирагч С.Амарсайхан  “Авто зам ашигласны төлбөр, хураамжийг зайлшгүй нэмэх ёстой байсан учраас 2020 оны төсөвт оруулж тооцсон. Харамсалтай нь, улс төржилтөөс болж энэ шийдвэрээ цуцлахад хүрээд байна. Сургууль, цэцэрлэгийн засварын зардал, явган хүний замын тохижилт зэргийг  хасч 13 тэрбум төгрөгийг, үлдсэн 45 тэрбум төгрөгийг өмч хувьчлал, газрын дуудлага худалдаа гэх зүйлсээс бүрдүүлнэ. Шаардлагатай гэж үзвэл төрийн алба хаагчдыг цомхотгож, урсгал зардлаа танаж нийслэлийн ажлыг явуулна” хэмээн  мэдэгдсэнээр уг асуудал намжсан. Хэрэв тус журам хэрэгжиж  эхэлсэн бол 2020 оны нэгдүгээр сарын 1-ээс  төлбөрийн хувь хэмжээнд ингэж  өөрчлөлт орох байв. 

ЗАМЫН  А, В, С  БҮСЧЛЭЛ ТҮР ХУГАЦААГААР ХОЙШЛОВ

Шийдвэр гаргах түвшнийхэн Улаанбаатар хотын түгжрэлийг бууруулах   нэгэн “мэргэн” санаа олсон нь нийслэлийн замыг гурван бүсчлэлд хуваах байлаа. 2019 оны долдугаар сард нийслэлийн замын хөдөлгөөнийг А, В, С гэсэн гурван бүсчлэлд хуваах талаар мэдэгдсэн. Өөрөөр хэлбэл, А бүс нь бага талбайг хамрах бөгөөд Багшийн дээдээс Цэцэг төвийн уулзвар, Шангри Ла-гаас Бага тойруу, В бүс нь Их тойруу, Баянбүрд, 100 айл, Баруун дөрвөн замаас Зүүн дөрвөн зам хүртэл, С бүс нь дээр дурдсанаас гадуур хэсгээр зорчихоор тусгасан байдаг. Ингэснээр хотын А, В бүс дэх автомашины хөдөлгөөн 50 хүртэл хувиар буурна гэж албаныхан тооцсон байсан.

Тэд үүнийгээ хэрэгжүүлсэн бол  татвараа төлсөн, торгуульгүй, техникийн улсын үзлэгт тэнцсэн жолооч нар А, В бүсээр зорчих байв. Гэвч, энэхүү шийдвэрийн талаар  иргэд үзэл бодлоо янз бүрээр илэрхийлсэн. Дийлэнх нь эсэргүүцсэн. 

Хотын захирагч С.Амарсайхан “Бүсчлэлд хуваах ажил цаг үеийн шаардлагадаа нийцсэн, хүмүүсийн ухамсар, хариуцлагатай уялдсан үр дүн гарахуйц байх ёстой. Харамсалтай нь бид нэг алдаа гаргасан. Үүнийг хэрэгжүүлэхэд ямар ач холбогдол, хэрэгжүүлэхгүй бол ямар хохиролтой юм гэдгийг иргэдэд ойлгуулах мэдээ мэдээллээ сайн түгээгээгүй. Иргэдийн дунд буруу ташаа ойлголт маш их байна. Наймдугаар сарын 15 хүртэл хэд хэдэн хувилбараар санал асуулга явуул. Ингээгүйгээс болж замын түгжрэлийг шийдэх бус торгууль хураах ажил болж олон нийтэд харагдаад байна” хэмээн үүрэгдэв.

Удалгүй наймдугаар сарын 15-нд Нийслэлийн Замын хөдөлгөөн, төлөвлөлт, зохицуулалт, инженерчлэлийн газраас мэдээлэл хийж   бүсчлэлд хуваах зохицуулалтыг иргэдийн ихэнх дэмжээгүй гэх шалтгаанаар бүсчлэлийг түр хугацаагаар хойшлуулахаар болсноо дуулгасан юм.

100 АЙЛЫН БАРИЛГЫН ЗАХЫГ 2022 ОН ГЭХЭД БҮРЭН НҮҮЛГЭЖ ДУУСНА

Хотын  захирагч  С.Амарсайхан 2018 онд НИТХ-ын  даргаар ажиллаж байхдаа 100 айлын барилгын материалын захыг үе шаттай нүүлгэх санаачилгыг  гаргасан.  Тэрбээр тухайн үед “100 айлын барилгын дэлгүүр, захыг 2018 оны гуравдугаар улиралд багтаан хотоос гаргана” хэмээн мэдэгдэж байсан.  Хэрэвзээ дээрх шийдвэр нь биелсэн  бол алга ташин халуун баяр хүргэмээр.  

Өнөөдрийн байдлаар  100 айлд 1600 гаруй лангуу, гадуур худалдаа эрхэлж байгаа иргэд, тээвэрлэлт хийж байгаа жижиг дунд оврын тээврийн хэрэгсэл, үйлдвэр зэрэгт давхардсан тоогоор 6000 орчим хүн өдөр бүр ажиллаж байна гэх тоо бий.

НИТХ-ын төлөөлөгч, 100 айлыг нүүлгэх Ажлын хэсгийн ахлагч Ч.Гантулга  “Гурван үе шаттайгаар захыг нүүлгэхээр болсон. Нэгдүгээр шатны ажил дууссан. Иргэд, бизнесийнхэнтэй уулзаж, газар дээр нь ажиллах, шинжилгээ хийх зэрэг нь үүнд багтаж байгаа. Үүний дүнд нийслэлийн 2018 оны төсвийн хэлэлцүүлэгт 100 айл орчмын замыг өргөтгөн, явган хүний замыг шинэчлэх, авто зогсоолыг шийдэх ажлын зураг төслийг хийсэн. Ингээд 2019 оны дөрөвдүгээр сараас зам, тохижилтын ажлыг эхлүүлсэн. Энэ нь хоёрдугаар шатны ажилд тооцогдох юм. Харин гурав дахь нь 100 айлд бизнес эрхэлж байгаа хүмүүсийн агуулах, жижиг дунд үйлдвэрийг хотын төвөөс гаргах ажил байгаа.

Налайх дүүрэгт Эрээн- Замын-Үүд, Эрээн-Чойр чиглэлд явах автозам болон төмөр зам байдаг тул тэнд дээрх газруудыг төвлөрүүлэх юм. Налайхыг аж үйлдвэр, технологийн парк болгох энэ ажил олон жилийн өмнөөс яригдсан. Тус паркийн хөрөнгө оруулалтын ажлыг нийслэлээс түргэвчлүүлж, зам, тог цахилгааны асуудлыг шийдвэрлээд, ажил үргэлжилж байгаа. Нүүлгэх ажлыг шат дараатай хэрэгжүүлэх  ажил 2018 оноос 2022 он хүртэл үргэлжлэх юм. Тиймээс 2022 он гэхэд Налайхын аж үйлдвэр, технологийн паркийн асуудал жигдэрсэн байна. Ямар ч байсан энэ ажлын ард гарна” гэв.

Э.БУРАМ

"Болор дуран"-аар шалгав.
Энэ мэдээнд өгөх таны сэтгэгдэл?
9
ХахаХаха
2
БурууБуруу
1
ГайхмаарГайхмаар
0
ЗөвЗөв
0
ХөөрхөнХөөрхөн
0
ХарамсалтайХарамсалтай
0
ТэнэглэлТэнэглэл
Баярлалаа!

28 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Гаадамба 2020-01-17 103.229.121.117

Угаасаа хотын даргын толгой бол олгой шүү дээ манайхаан

Avatar

Зочин 2020-01-17 80.110.100.138

иргэд дэмжээд байна. ХАРИН 50 ХҮНИЙ ЖАГСААЛААС АЙЖ АЖЛАА ЦУЦЛАЖ БАЙГАА НЬ ТУЙЛЫН ХАРИУЦЛАГАГҮЙ БАЙНА.

Avatar

Хүннү 2020-01-17 202.179.26.196

Санал санаачлагууд нь зөв байна. Үүнийг нь иргэд дэмжээд ажлыг нь хийлгэх хэрэгтэй. Амарсайханы буруу биш иргэдийн буруу. Дандаа амин хувиа боддог нийслэлчүүдийг “хотын иргэн” гэдэг талаас нь нийгэмшүүлэх хэрэгтэй. Нийслэл хотын иргэн л бол нийслэлийн “дүрмээр” амьдрах хэрэгтэй. Улсад татвар төлдөггүй зэрлэгшсэн бизнесийг хотоос гарга. Малчид шиг хөдөө хэвтэж байг тэд ямар улс орны хөгжилд нэмэр болж ТАТВАР төлдөг биш. Татвар төлдөгүүдээ хар үз, тэдэнд ажлаа хийхэд нь таатай орчинг бүрдүүл.

Avatar

Зочин 2020-01-17 67.180.129.0

Еронхий сайд гэж хумууст таалагдах гэж энэ хуний эхлуулсэн ажлыг нураагч нэг байх юм. Нам гэж бас нэг дарамт, .ингээд Тал тал тийш нь чангаасаар байгаад энэ нохор хийсэн ч юмгуй сонгууль хургэх юм байна. Ногоон бусэд байгаагаас нь ядаж татвараа ондор тогтоогоод тосвоо бурдуулж замаа янзлаач.

Avatar

иргэн 2020-01-17 66.181.178.161

Өөрийн гэсэн бодолгүй, толгой нь хүрэхгүй мунхаг хүмүүсийг толгой дээрээ гаргасны шинж дээ. Үүнээс цааш сэтгэж чадахгүй сэтгэе ч гэсэн толгой сэтгэл хоёр нь хүрэхгүй юм чинь яая гэхэв дээ. Монголчууд олигтой бүхнээ гутаан доромжилж төрийн удирдлагаас холдуулах ажлыг гардан хийж чадваргүй сэтгэлгүй хүмүүсээр удирдуулж урагшаа биш дороо дэвхцэх замыг сонгодог хүмүүс яая гэхэв дээ.

Avatar

Хүннү 2020-01-17 202.179.26.196

Иргэдээс асуух л юм бол асуудал болгон чинь нурна. Шууд л хэрэгжүүл. Наад бүсчлэл чинь маш зөв. Одоо нэрэгжүүл

Avatar

Жигмэд 2020-01-17 202.126.89.126

Хийсѳг шиг хийхийг зорьрж байгаа хүн шүү

Avatar

НОГООН БҮС. 2020-01-17 202.21.108.12

Яах вээ гаагүү уян хатан дарга. Муйхар МАН дундаас цөөхөн таарах хүн шиг бна. Харин тэр барилга нураадаг вандализмаа болиороо. Хотын ногоон бүсийг хайрлаж хамгаалая. Эко цагдаагаа хүчтэй ашиглаж зуслангын модон дотор хууль зөрчиж буусан айлуудыг хөөж гаргах юмуу эсвэл өндөр төлбөр авч байя. Нийтийн амарч зугаалах ногоон бүс хэзээ ч айлын хашаанд орох ёсгүйг эрхэм дарга ухамсарлах л байлгүй.

Avatar

tenegt 2020-01-17 192.82.72.95

niisleliin eruul mendiin gazar muu ajillaj baigaa uchraas uvchlul in bn

Avatar

Zochin 2020-01-17 213.127.116.97

Zam ashiglasnii tatvariig gadaad ulsuudad zaaval avdag mash undur tatvartai baidag uul n ene darga ih zuv yum hiih geheer orkuud ajiliig n hiilgehgui bna

Avatar

Zochin 2020-01-17 213.127.116.97

Ene darga mash sain ajillaj baigaa , busad n yalaa

Avatar

zochin 2020-01-17 202.131.225.197

hotiin darga ajilaa sain hiij bga

Avatar

Зочин 2020-01-17 66.181.184.84

дөрвөд хулгайч хот удирдаж чадахгүй

Avatar

БА ЗО 2020-01-17 203.91.117.8

НАЛАЙХЫН АҮ ийн ПАРКААС ХАГАС КМ ын ЗАЙД ТЭСРЭХ БОДИСЫН АГУУЛАХ БАЙГААГ ШИЙДСЭН ҮҮ

Avatar

Огцор 2020-01-17 202.179.24.155

энэ н**ш дүүрэг өрхийн эмнэлгэарээ ороод үзээрэй хэцүү байдалд байна бас эрүүл мэндийн бүх үзүүлэлтүүд нь нийслэлд уналтад орсон яаж иргэдийн нүдийг харна даа

Avatar

Ко 2020-01-17 66.181.179.139

Hogoi achaach ee heden sar bolloo

Avatar

Зочин 2020-01-17 43.242.242.57

elbegdorj bat-uuliin hoshnogo doloogchid bichij bgaa yum

Avatar

ub 2020-01-17 202.179.18.134

hun g ajliig nzugeer hiilge. ajil hiij bga hund b** saad bol.

Avatar

ax 2020-01-17 66.181.177.174

xarin ch dajgui shuu

Avatar

Зочин 2020-01-17 66.181.161.34

Хөлсний шантаажчин сэтгүүл нар өмнөх дарга нар ингэж ажиллаж байхыг та нар харсан уу харин ч энэ Амарсайхан чинь хийж бүтээж байгаа баахан луйварчдын эрх ашиг хөндөгдөөд шантааж хийх гэж царай нь энэ үү

Avatar

hi 2020-01-17 202.21.118.6

zuv. demjij bna. amjilt husey

Avatar

Зочин 2020-01-17 66.181.161.34

Энэ хүн шиг ажлаа сайн хийж байсан дарга байхгүй шүү харин ч хийсэн шиг хийж байгаа чадалтай мундаг улстөрч шүү худлаа атаархаж үхсэн хулгайчууд луйвар хийж чадахгүй болохоороо үхлээ юу

Avatar

Зочин 2020-01-17 202.126.89.32

Mundag l ajillaj baigaashdee. Udur shunugui ajilladag hotiin darga umnu ni baisan uu?

Avatar

Зочин 2020-01-17 192.82.78.102

Хүрэлсүхэд загнуулах хэлсэнээсээ буцаж бгаа жүжиг. Өөрөөр хэлбэл Хүрэлсүхийн нэрийг өсгөж намын рейтинг өргөх тактик. Олон нийтийн мэдээллийн хэрэгслээр хүн загнаж нэр хүндээ дээшлүүлэх аргыг Хүрэлсүх Элбэгдорж нар сайн мэднэ. Тархиа угаалгасан ард иргэд тийм юманд амархан хууртана

Avatar

Иргэн 2020-01-17 192.82.75.236

Налайхаас нэр дэвшиж гишүүн болох л эцсийн зорилго

Avatar

худалчууд 2020-01-17 103.9.89.103

худлаа яриад байх юм. Налайх гэж наанаа ярьж ярьж байгаад Хотод Дүнжингаравын цаана баригдаж байгаа барилгуудыг шахаж өгнө… тэгээд тэр хавийн зам түгжрээтэй болно. яахав яахав идэж ууж худлаа ярьж л бай…

Avatar

zochin 2020-01-17 66.181.166.134

АМАРСАЙХАН ДАРГА ХАН-УУЛ ДҮҮРГИЙН НЭХМЭЛИЙН ШАР БАЙРУУДЫГ ЯАРАЛТАЙ ШИЙДЭЭЧЭЭ ХЭДЭН ЖИЛ ТЕНДЕР ЗАРЛААД БАРИЛГАЖУУЛАХ КОМПАНИ ОЛДОХГҮЙ ӨӨРИЙНХ НЬ ЯАРИАД БАЙГАА ТЭР СТАНДАРТ ГЭЭЧ НЬ УЛАНДАА ГИШГЭГДЧИХСЭН БАЙХАД ОГТ ӨӨР АСУУДАЛ РУУ ГҮЙЖ ОРООД БАЙХЫН

Avatar

Mongol 2020-01-17 43.228.129.119

ter 100 ailiig nuulgeh, A B C bolgoh ni ih zov sanaa bsiin.

NewsMN Гар утасны хувилбар Татах
NEWS.mn

Мэдээллийн эх сурвалж