АНУ-ын Ерөнхийлөгч Дональд Трамп болон БНХАУ-ын Төрийн зөвлөлийн шадар сайд Лю Хэ нар Вашингтонд худалдааны хэлэлцээний эхний үе шатын тухай хэлэлцээрт гарын үсэг зурлаа.

Трампын эдийн засгийн зөвлөх Ларри Кудлоу энэ талаар мэдэгдэхдээ "Ерөнхийлөгч Трамп зорилгодоо хүрэх арга хэрэгсэл болгож хатуу хэлэлцээг бидэнд үзүүллээ. Энэ бол маш чухал. Түүхэнд энэ мэтчилэн зүйл огт болж байгаагүй" гэжээ.

86 хуудас бүхий баримт бичигт чухам юу өгүүлсэн талаарх мэдээллийг талууд одоогоор өгөөгүй байна.

Сануулахад, Дональд Трамп тун удахгүй БНХАУ-д айлчилна гэдгээ өмнө нь мэдэгдэж байсан. Мөн АНУ-ын Сангийн яам БНХАУ-тай хийх хоёр дахь хэлэлцээний үеэр татварыг бууруулах асуудлыг хэлэлцэнэ гэж мэдэгдэж байв.

Эх сурвалж: RT