Эмч нарт бусдын аз жаргалыг булаах эрх байхгүй | News.MN

Эмч нарт бусдын аз жаргалыг булаах эрх байхгүй

Эмч нарт бусдын аз жаргалыг булаах эрх байхгүй

Эмч нарт бусдын аз жаргалыг булаах эрх байхгүй

Хэзээд ч, хэнийг ч ялгаварлахгүй эмчилнэ гэж тангараг өргөдөг эмч нар өнөөдөр ачаалал хэтэрсэн, харьяаллынх биш гээд зориод очсон өвчтөнөө хөөж туудаг, хүйтэн сэтгэлтэн болж хувирсныг хэн хүнгүй мэднэ. Эмнэлгийн байгууллагаар үйлчлүүлэхийн тулд танил талаа хайж гүйх, утас цохих энүүхэнд.  Мөнгөтэй хүмүүс гадаад, дотоодын хувийн эмнэлэгт цаг алдалгүй үйлчлүүлнэ. Харин мөнгөгүй нь улсын эмнэлгийн үүдийг сахиад олон цаг, өдрөөр суух нь хэвийн зүйл.

“ЕР НЬ ТА ЖАМ ЁСООРОО УДАХГҮЙ ҮХНЭ, ЭМЧИЛГЭЭГҮЙ” ГЭХ ХАНДЛАГА ГАРГАДАГ

Хувийн эмнэлэгт хэвтэн эмчлүүлж буй өндөр настан Г.Жавзан 

-Эмчдээ гэдэс дүүрч, цээж хорсон, хоол шингэхгүй байна гэж зовууриа хэлтэл “Таны насны хүний эд эрхтнүүд муудсан байх нь аргагүй. Ходоодны хорт хавдрын эрт үе байж магадгүй. Дуранд харуул, шинжилгээ өг” гэж хэлсэн. Энэ үгийг сонсоход их эвгүй мэдрэмж төрсөн. Хэзээ мөдгүй талийгаач болсон хөгшнийхөө араас очих гэж байгаа юм шиг хямарсан даа. Шөнө нь унтаж чадаагүй. Маргааш нь ходоодны дуранд харуулж, шинжилгээ өгтөл эерэг хариу гарсан. Ходоодны хорт хавдрын эхэн үе биш байсан. Ходоод, нарийн бүдүүн гэдэсний үйл ажиллагаа хэвийн гэж эмч нар хэлэхэд сэтгэл санаа их сайхан болсон.

Ер нь улсын, хувийн эмнэлгүүд гэлтгүй эмч нар “насны өвчин” гэх онош тавьдаг. Та эмээ сайн ууж гамаа сайн барьж, хоолоо сайн идэж, дархлаагаа дэмжих хэрэгтэй гэж хэлэхийн оронд “Өө тан шиг ийм өндөр настай хүн жам ёсоороо л өвдсөн байна. Энэ бол байдаг  үзэгдэл” гэх үг нь биднийг бараг л “Ер нь та жам ёсоороо л удахгүй үхнэ, эмчилгээгүй” гэсэнтэй адилхан сонсогддог.

Хэдийгээр би 73 настай ч үр хүүхдээ сайн сайхан явахыг илүү олон жил харахыг хүсдэг. Гэтэл энэ бодлыг эмч нар шууд үгүй хийдэг. Хэрэв намайг та сайн байна, удахгүй эдгэрнэ, эрүүл тэжээллэг хоол хүнс хэрэглэж, эмээ тогтмол цагт уугаарай гэвэл баярлана, сэтгэл санаагаар өвдөхгүй шүү дээ гэлээ.  Харин Л.Пагма "Нэг өглөө сүүтэй цай оочилж суутал эмч маань үзлэг хийхээр орж ирсэн. Даралтыг маань үзчихээд надад “Таны насны хүн сүүтэй цай ууж болохгүй. Ходоод чинь дийлэхгүй ямар залуу хүн биш. Бор цай ууж бай” гэж зөвлөсөн.  Хөгшин бол удахгүй үхэх мэт сэтгэгдэл төрүүлэхээ эмч нар болих хэрэгтэй. Би 78 настай эмчийн хэлсэн үгэнд их эмзэглэсэн" тухайгаа гомдонгуй хэлж байв.

Залуу хүн “өвдөх эрхгүй”, өндөр настан хүн “өвчний үүр”, хөгжлийн бэрхшээлтэй бол хүн биш мэт харж, ойлгодгоосоо эмч нар болих ёстой. Эмч хүн өвчнийг төдийгүй сэтгэлийг эмчлэх үүрэгтэй хүн.

Зарим эмч нарын хайнга үйлдэл, мэдрэмжгүй үг өвчтөний сэтгэл зүйд нөлөөлж, өвчин нь хүндэрч, даамжирахад хүргэдэг аж.

ЭРҮҮЛ МЭНДИЙН САЛБАР СЭТГЭЛЗҮЙГ ХӨСӨР ХАЯСАН

Сэтгэлзүйч Б.САЙНЗАЯА:

-Хүний бие махбод сэтгэлзүй хоёр бол салшгүй холбоотой. Хүн өвдсөн үедээ сэтгэл санаа тогтворгүй болж, өвчний үйл явц түргэсдэг. Эмчийн хэлсэн таагүй үг, хайхрамжгүй хандлага тухайн хүний өвчнийг эсэргүүцэх биеийнх нь дархлааг үхүүлж байдаг. Зөвхөн эмч гэлтгүй тухайн өвчтөний гэр бүл ойр дотны хүмүүс ч бас анхаарах хэрэгтэй. Хүн өвдсөн үедээ сэтгэл санааны дэмжлэгийг бусдаас хүсч байдаг. Гэвч манай монголчууд энэ талын мэдлэг, мэдрэмж муу.  Эрүүл мэндийн салбарынхан давхар сэтгэлзүйн салбар мэдлэг эзэмших ёстой. Харамсалтай нь, энэ асуудал манайд орхигдсон.

Эмч, сувилагч нар тухайн хүний биологийн тал дээр илүү анхаарахаас бус сэтгэлзүй нь ямар байгааг бодолцдоггүй. Тухайн өвчтөний өвчнөө тэсэх, ялан дийлэх сэтгэлзүйн бэлтгэлийг бодолцохгүйгээр зарим эмч нар өвчтөнийхөө царайг ч харалгүй онош бичээд гаргадаг тохиолдол байна шүү дээ.

Мөн “Таны өвчин удахгүй эдгэчих байлгүй” гэх хандлагаар өнгөц ханддаг байдал эргээд асуудал дагуулдаг. Тухайн өвчтөн эмчийн хэлсэн үгэнд найдаж, эрүүл мэндээ хайхрахгүй явснаас болж өвчнөө хүндрүүлсэн тохиолдолд өнөөх эмчид л гомдож, уурлана шүү дээ. Түүнчлэн ахмад настнуудад “насны өвчин”-ий онош тавих хандлага түгээмэл. Гэтэл сэтгэлзүйн онцгой дэмжлэг, эмчилгээ шаардлагатай таван хүнийг бусдаас дээгүүрт тавьж анхаарал хандуулах нь эмч нарт тавьсан ерөнхий шаардлага, стандарт үзүүлэлт. Тодруулбал, өндөр настан, хөгжлийн бэрхшээлтэй иргэн, жирэмсэн ээж, төрсөн ээж, бага насны хүүхдийг бусдаас илүү анхаарч, бие махбод болон сэтгэлзүйн дэмжлэг туслалцаа үзүүлэх ёстой. Гэвч эмч нарын 20-30 хувь нь онцгой шаардлага бүхий таван хүнийг анхаарч үзэх нь бүүхэл харилцааны доголдолтой, хүн чанараа алдсан байдаг. Хэрэв эмч нар өвчтөнийхөө сэтгэлзүйд давхар анхаарч, дэмжлэг үзүүлэхэд тухайн хүний өвчнөө эсэргүүцэх чадвар сайжирч, амьдрах чадварт нь эергээр нөлөөлдөг гэлээ.

Харамсалтай нь дээрх хэвшмэл ойлголтоос болж ахмад настнуудаас гадна хөгжлийн бэрхшээлтэй охид эмэгтэйчүүд хамгийн их хохирч буйг судалгааны дүн харуулжээ. Хүний эрхийн үндэсний комисс, Монголын тэргэнцэртэй иргэдийн холбооноос хамтран 2018 онд явуулсан Хөгжлийн бэрхшээлтэй охид эмэгтэйчүүдийн нөхөн үржихүйн талаарх судалгаа явуулжээ.

Эмч нарын ёс зүйгүй үйлдлээс болж бие болон сэтгэл санаагаараа хохирч үлдсэн хөгжлийн бэрхшээлтэй охид эмэгтэйчүүдэд тохиолдсон цөөн хэдэн жишээ татъя.

ТЭД ЭЭЖ БОЛОХ ЭРХЭЭ ХҮЧЭЭР ХАСУУЛДАГ

Оюуны бэрхшээлтэй эмэгтэйтэй хийсэн ганцаарчилсан ярилцлага

-Эмч нар жирэмслэхийг хориглодог. Тийм болохоор таван сар хүртэл нь жирэмсэн гэдгээ эмч нараас нуусан. Намайг эмч нарын зөвлөгөөнөөр орох өдөр эмч нар жирэмсэн гэдгийг мэдээд, үр хөндөлт хийлгэхийг ятгасан. Татгалзах үед тал талаас бариад би цочролд ороод ухаан алдсан. Намайг сэрэх үед жирэмслэлтийг зогсоосон, үрийн сувгийг боосон байсан. Үүгээр зогсохгүй гэр бүлийнхэнд маань хүлээлгэж өгөхдөө уналт таталтын эмийг нь сайн уулга гэсэн бичиг энгэрт томоор бичээд гаргасан. Цочролоос болоод энэ үед миний ухаан санаа хагас байсан.

Тулгуур эрхтний бэрхшээлтэй эмэгтэйтэй хийсэн ганцаарчилсан ярилцлага

-Жирэмслээд өрхийн эмч дээрээ ирэхэд “Чи хаяг дээрээ байдаггүй биз дээ. Яг хаана амьдарч байгаа вэ, тэндээ л эмчийн хяналтад ор, чамайг жирэмсний хяналтад авахгүй, чи бол эрсдэлтэй жирэмсэн. Ямар нэгэн юм болчихвол би хариуцлага хүлээхгүй” гэж хэлээд татгалзсан.

Харааны бэрхшээлтэй эмэгтэйчүүдтэй хийсэн бүлгийн ярилцлага

-Нэг удаа дүүргийн эмнэлэг дээр зохион байгуулдаг жирэмсэн ээжүүдийн сургалтад суусан. Тэнд ээжүүдийн төрөлтийг дэмжих дасгал зааж, би дагаж хийхийг хүссэн ч эмч “…За, ингээд гараа өргөөд… хөлөө ингээд дээш өргөөрэй, намайг дуурайгаад хийгээрэй” гээд яриад л байсан. Би харж чадахгүй болохоор юу болоод байгааг бүрэн ойлгоогүй гэжээ.

Хүний эрхийн үндэсний комисст 2019 онд нийт 522 гомдол мэдээлэл ирүүлснээс эрүүл мэндээ хамгаалуулах эрх зөрчигдсөн зургаан тохиолдол бүртгэгджээ. Өнгөц харахад бага тоо боловч эрх нь зөрчигдөж буйг мэдэхгүй, мэдсэн ч хохирлоо барагдуулж чадахгүй эмч нарын хайнга үйлдэл, хайхрамжгүй зан, бүдүүлэг үг хэллэгээс болж насаараа сэтгэлийн шархтай үлдсэн, эрүүл мэндээрээ хохирсон, амь насаа алдсан хэчнээн хүн байгааг хэлж мэдэх аргагүй.

Б.ЦЭЦЭГ

Энэ мэдээнд өгөх таны сэтгэгдэл?
7
ХарамсалтайХарамсалтай
2
ТэнэглэлТэнэглэл
1
ХөөрхөнХөөрхөн
0
ЗөвЗөв
0
ХахаХаха
0
ГайхмаарГайхмаар
0
БурууБуруу
Баярлалаа!

Холбоотой мэдээ

19 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2020-01-15 202.131.248.250

МОНГОЛ улсад нэртэйгээр нь эмчгүй болчихооч,өвдөж хаввал лам ,бөө дээрээ очин эмчлүүл

Avatar

Зочин 2020-01-15 202.126.89.245

Er n bol emch huniig tangarag urgusunuur n daramtalj dairch davshilj emchilgee uilchilgee uzuulhiig shaarddag humuus bas baidag shuudee. Getel emch chin hun shuudee. Tsainii tsagaaraa idej uuh ajliin tsagaaraa hunii erhiin tunhaglald zaasnaar hun bolj tursniihuu erhiig edelj 00 orj utgun shingenee gadagshluulah erh hurtel baidagshuu. Emch geheer hodoodgui, bie zasah suwgui baidag gej boddogoo bolimoor baidagshu.

Avatar

нэр 2020-01-15 202.21.108.182

сэтгүүлч нэг талыг бариагүйээ яг үнэнийг хэлсэг,68-тай ээжийг минь насны доройтол гээд ямар ч эмнэлэг аваагүй,гэтэл солонгост 90 настай хөгшнийг эмч нар нь цөсний мэс засал хийгээд гүйлдсээр байгаад нүдэн дээр босгоод ирсэн үнэхээр гайхмаар

Avatar

Зочин 2020-01-15 103.212.117.83

Tanai nasnii doroitoltoi eej neg oor gadaad emgen bas oor

Avatar

Зочин 2020-01-15 202.126.89.245

Tenger gazarshig togtoltsoog haritsuulsan n sain hereg bolloo. Mongoliin eruul mendiin salbariin hugjil odoogiin solongos ulsiin eruul mendiin salbariin hugjiltei duij ireh hugatsaa dundajaar 20-iod jil shaardagdah bahaa. Ter boltol ene nasnii doroitol gesen onoshoo tawisaar l baih bahdaa.
Mongold hugjih shaardlagatai mash olon salbar baina. Hamgiin chuhal n eruul med iin salbar gedgiig ulsiig udirdaj bui ulsuud oilgotol deerh eruul mendiin salbriin hugjil zogschij magadguil bnadaa.

Avatar

Зочин 2020-01-15 103.212.118.160

Тогтолцооны гажгаас болсон хүндрэлийг эмч сувилагчид чихэх хэрэггүй. УИХ сонголт чинь энэ бүгдийг томилдог тэдэндээ гомдлоо гаргацгаа. Эсвэл хувийн эмнэлэг рүүгээ явцгаа

Avatar

Монгол хүн 2020-01-15 211.211.120.115

Чи эмч үү? Энийг чинь л харилцаа ёс суртахууны доголдол гээд бгаа юм л да. Хүнлэг энэрэнгүй бх хэрэгтэй. Чадахгүй бол болих хэрэгтэй. Эмнэлгийн ажлын байр чиний дураараа бүдүүлэгттэг өвчтөнийг дарамталдаг талбар биш.

Avatar

зочин 2020-01-15 202.126.88.141

өвчнөө архагшуулж эмчид ханддаг, өвчин хөнгөрмөгц эмээ бүрэн уудаггүй, дур мэдэн эмчилдэг, гам алддаг, бусдад мэдэмхийрч зөвлөгөө өгдөг, урьдчилан сэргийлэх үзлэгт хамрагддаггүй, өөрийн эрүүл мэндийн төлөө анхаардаггүй, эрүүл амьдардаггүй – энэ хэний буруу юм бэ

Avatar

Зочин 2020-01-15 49.181.168.109

Chinii buruu

Avatar

зочин-2 2020-01-15 59.153.112.159

Иймэрхүү хандлага, харьцааны асуудал зарим эмч нар тэр байтугай анагаахын сургуулийн зарим багш нар дээр ч ажиглагдаж байсан. Таны нас хэд билээ, та чинь овоо насалсан бна, өвгөн чинь үлдэх юм бна ч гэх шиг ер нь ёс зүйгүй авир гаргадаг. Өвчтөнд үнэнийг хэлэх ёстой ч тэр хүний сэтгэл зүйн бэлтгэл ямар бэлтгэлтэй байгааг танадаж мэдэж ар гэрийнхэнтэй нь харьцаж анхааруулж зөвлөх нь зүйтэй мэт.Гэхдээ өнөө үед 60-70-аас дээш насныхан интернетээс уншаад ямар онош, эм эмчилгээгээ мэддэг болсон бна.

Avatar

иргэн 2020-01-15 202.131.227.82

манай эмч нарын зарим нь зан харьцааны соёлгүй, өвчтөнтэй их муухай харьцдаг, гадаадын эмч нар өвчтөнд зөвөлгөө сайн өгдөг, хэрэглэх эм тариануудын үйлчилгээ нь ижил мөртлөө аль нь юугаараа ялгаатай, алийг нь хэрэглэх нь зөв гэх мэт зөвөлгөө өгдөг. Гэтэл манайд тийм сайхан зөвөлгөө байдаггүй шүү дээ.

Avatar

Emch 2020-01-15 202.126.89.245

Mongold tiim saihan zuwluguu uguud suuj baidag tsag zav baihgui. 1 emchiin 1udriin uzeh ystoi uwchtunii norm 40orchim tuhain huniig ajliin 8 tsagt huwaagaad uzheer 1 hund 12 minut noogdono. Gewch mongold achaalal mash ih dundajaar 1 emchid 60-80 hun ajliin 8 tsagt uzeh shaardlagatai bolno tegheer 1 hund 6 minut noogdoj baina. Ene hugatsaand uwchtunuu uzeed onoshlood emchilgee bicheed ih ymiig amjuuldag shu. Ushu iluu tsag zav baiwal huuch huurhuud emnii sain muug yrimaar l baidagshu.

Avatar

Зочин 2020-01-15 49.181.168.109

Eruul mendiin salbar, emneleguud, emch nar uvchnuus herhen uridchilan sergiileh talaar medeelel togtmol ugdug, surguuliudaar yavj hicheel ordog, baiguullaguudaar yavj lekts unshdag baimaar bgaan tiimee. Ene chigleld yum hiihgui baij olon hun olon tsagaar uzdeg gej gonshignohoo l bolichih

Avatar

Зочин 2020-01-15 117.111.26.39

Яагаад ингээд бүх эмч нарыг харлуулж бичдэг юм бэ сайн нь муугаасаа хавьгүй олон нь мэдээж ер нь өөрсдийн биеэ хайрлах ёстой байтал хэт гамгүй явж явж болохоо байхаар эмчид очдог эмч оношоо хамгийн хүнд өвчныг үгүйсгэх шинжилгээ хийж байж л эрдэлгүй эмчилнэ шүү дээ хэрвээ ходооны хавдартай хүнийг хөнгөн эм уулгаад явуулаад хугацаа алдчихвал эмчийг шоронд хийнэ биз дээ шинж тэмдэгийг үгйсгэж байж оношлож эмчлэх нь аль алиндаа сайн биз дээ

Avatar

Зочин 2020-01-15 202.9.46.188

Өвчтөнд үнэнийг хэлэх ёстой. худал улс төрч маягийн популизм хэрэггүй. Өвчиний оношоо сонсоод дээд тал нь 2 сар болоод хэвийн болно. оношоо сонсоод үхсэн хүн байдаггүй юм. Худал гоё үг сонсоод өвчинөө хүндрүүлсэн хүн гэвэл бараг бүх Монголчууд болно. Сэтгэлгүүлч гуай мэдэхгүй зүйлээ хамаагүй энд тэнд дэмийрч агуу ихийн солиоролд автаж явж хүнд бүү гай бол.

Avatar

ЗОЧИН 2020-01-15 192.82.66.172

сэтгүүлчид хандаж хэлхэд энэ мэдээ чинь хэт нэг талыг баримталсан, эмч нарын нэр хүндийг унагах, олон нийтийг эмч эмнэлгийн байгууллагын эсрэг турхирах зорилготой нийтлэл юм шиг харагдаж байна. Зүгээр нэг тоо гүйцээх, эсвэл ажил хийсэн юм шиг харагдах гэсэн чанаргүй сурвалжлага байна. Эмчээс энэ тухай тодруулага авалгүй олон нийтийн мэдээний сайтад нийтэлсэнд харамсаж байна.

Avatar

Иргэн 2020-01-15 202.21.127.163

За нэгэн болсон явдлыг хэлье. 2-р УКНЭ шүү. ходоодоо дурандуулахаар өглөөнөөс эхлэн хэдэн хүн нилээд хүлээлгэтэй. цаг нь аль хэдийн өнгөрсөн сууж байтал сувилагч гарч ирэв. хүмүүс ч удаан хүлээж байгаагаа, дундуур нь бас цаггүй хүмүүс оруулж бна гэж гомдоллов. сувилагч хүлээх хэрэгтэй бас завсарт нь дуранг 30 минут ариутгадаг, нэг дуран эвдэрсэн гэхэд нэгэн эмэгтэй "үгүй тэгээд тэр дурангаа ариутгаж байгаа юм уу? хүмүүс тэгвэл 30 минут болохгүй л гарч ороод бна ш дээ гэв". тэр эмэгтэй хаяад явав

Avatar

Зочин 2020-01-15 202.126.89.112

Эмч нар харин ч мундаг болсон бна лээ. Харин асрагч сувилагч нар л омогтой дээрэнгүй бдаг юм билээ

Avatar

Зочин 2020-01-15 202.21.108.232

Бор цай ууж бай, сүүтэй цай болохгүй гэж өөрийнх нь эрүүл мэндийг бодсондоо л хэлсэн байна, юунд гоморхоод байдгын.

NewsMN Гар утасны хувилбар Татах
NEWS.mn

Мэдээллийн эх сурвалж