НИТХ-ын төлөөлөгч Ц.Баатархүү өнөөдөр хог хаягдал төлбөртэй авах RVM ухаалаг машиныг танилцуулж, Улаанбаатар хотын Захирагчийн Ажлын албанд хүлээлгэн өглөө. Хог хаягдлыг бууруулах, дахин боловсруулах үйлдвэрүүдийн түүхий эдийн найдвартай эх үүсвэртэй болох зэрэг олон давуу талтай уг машиныг нэвтрүүлэх нь хог хаягдлын менежментийг дэлхийн стандартад нийцүүлэх чухал алхам болох юм.

Одоогийн байдлаар уг машин нь 80 кг/л хуванцар лааз сав хүлээн авч овор хэмжээг нь багасгаж преслэх, 40 л/кг жижиг цаасан хайрцаг хүлээн авч преслэх хүчин чадалтай, -40 хэмд ажиллах боломжтой, 4G технологи I cloud программ хангамжтай юм байна.

Иргэд тус машинд хуванцар, лааз, дахин боловсруулах боломжтой хог хаягдлаа хийж баркодтой билл аваад, баркодоороо автобусны картаа цэнэглэх боломж бүрдэх юм байна.