Тэтгэврийн зээл тэглэх хуулийн төсөл батлагдсаны дараа ОУВС-гаас Монгол Улсыг гэрээгээ зөрчлөө хэмээн мэдэгдсэн. Үүнтэй холбогдуулж УИХ-ын гишүүн Я.Содбаатар байр сууриа илэрхийлэв.

Тэрбээр “Тэтгэврийн зээл тэглэхтэй холбогдуулан гаргасан шийдвэр гаргахын өмнө хууль хэлэлцэж байхдаа эдийн засгийн нөлөөллийн талаар бид судлаачдын байр суурийг авсан. Тэгэхэд энэ шийдвэр эдийн засагт хүндрэл учруулахгүй гэж үзсэн. Тиймээс энэ эдийн засагт сөрөг нөлөө үзүүлэхгүй гэдэг зөв тооцооллыг ОУВС-д хүргүүлж, зөв ойлголт өгөх ёстой гэж бодож байна. ОУВС зөв, буруу дүгнэсэн эсэхийг мэдэхгүй. Харин суурин төлөөлөгч мэдээллийн зөрүү ойлголттой байна уу гэж харж байна” гэлээ.