Дэлхийн цахилгаан бараа, техник технологийн өнгийг тодорхойлогчдын нэг Өмнөд Солонгосын "Samsung" компаний шинэ загварын утасны зураг цацагдлаа. Тус компани нь ирэх сарын 11-нд АНУ-ын Сан Франциско хотод зохион байгуулагдах үзэсгэлэн худалдааны үеэр шинэ загварын утсаа танилцуулах төлөвлөгөөтэй байсан ч ийнхүү тэдний шинэ загварын утасны зураг ил болжээ.

"Samsung" компаний шинэ утас Samsung S11 бус Samsung S20  гэсэн нэртэйгээр худалдаанд гарна. Мөн энэхүү загвараас гадна Samsung S20 Plus танилцуулагдана. Шинэ загварын утас нь 5G сүлжээг дэмжихээс гадна нэмэлт дөрөвдөгч камертай байх ажээ.

Эх сурвалж: THEVERGE.COM
Б.МӨНГӨНТАМИР