Хүн ам, орон сууцны тооллогын ажлаар явсан мэргэжилтнүүд 2-7 насны гурван хүүхэд харгалзах хүнгүй, хоол ундгүй хүйтэн гэрт хоёр хоносон байхад нь таарч, хүүхдийн тусгай 108 утсанд дуудлага өгчээ.

Энэ талаар нийслэлийн Статистикийн газраас тодруулахад “Баянгол дүүргийн 22 дугаар хороонд хүн ам, орон сууцны тооллогын судалгаа авч явсан мэргэжилтнүүд өчигдөр /2020.01.11/ гэртээ хоёр хоног хоол ундгүй, харгалзах хүнгүй бага насны гурван хүүхэд байхад нь таарсан. Мэргэжилтнүүд гэрт нь гал түлж, хоол хийж өгч анхны тусламжийг үзүүлж, дүүргийн цагдаагийн хэлтэст хүүхдүүдийг хүлээлгэн өгсөн” гэв.

А.СҮРЭН