Махны үнэ буурч, ногооны үнэ нэмэгджээ | News.MN

Махны үнэ буурч, ногооны үнэ нэмэгджээ

Махны үнэ буурч, ногооны үнэ нэмэгджээ

Махны үнэ буурч, ногооны үнэ нэмэгджээ

Нийслэлийн статистикийн газар долоо хоног бүр өргөн хэрэглээний бараа, бүтээгдэхүүний үнийн судалгааг танилцуулдаг билээ. 2020 оны нэгдүгээр сарын эхний долоо хоногт махны үнэ буурч, хүнсний ногооны үнэ өсчээ.

Махны дундаж үнэ                              

  • хонины ястай мах нэг килограмм нь дунджаар 8082 төгрөг
  • үхрийн ястай мах нэг килограмм нь дунджаар 10017 төгрөгийн үнэтэй байна.
  • Үхрийн ястай махны үнэ өмнөх долоо хоногтой харьцуулахад 530 төгрөгөөр (5.0%), үхрийн цул махны үнэ 359 төгрөгөөр (2.9%)-аар тус тус буурсан байна.

Энэ долоо хоногийн ажиглалтаар үхрийн ястай мах “Баянзүрх”, “Хүчит шонхор” хүнсний захуудад хамгийн хямд буюу 8500 төгрөг, Харин “Меркури” хүнсний захад хамгийн өндөр үнэтэй буюу 11800 төгрөг байна. Өмнөх долоо хоногтой харьцуулахад хонины ястай махны үнэ 156 төгрөгөөр (1.9%), харин хонины цул махны үнэ 90 төгрөгөөр (1.1%)-аар тус тус буурсан байна. Энэ долоо хоногийн ажиглалтаар хонины ястай мах “Хүчит шонхор” хүнсний захад хамгийн хямд буюу 6500 төгрөгөөр, харин “Меркури” хүнсний захад хамгийн өндөр үнэтэй буюу 9000 төгрөгөөр худалдаалж байна.

Гурилын үнэ  

Нийслэлийн хүнсний томоохон зах, дэлгүүрт “Алтан тариа” савласан нэг кг гурилын үнэ дээд зэрэг нь 1300-1600 төгрөг, 1-р зэргийнх 1100-1500 төгрөг, 2-р зэргийнх 800-1100 төгрөг байна.

Худалдан авагч олон байдаг “Хүчит шонхор”, “Таван эрдэнэ”, “Бөмбөгөр”, “Баянзүрх”, “Хархорин” хүнсний захуудад задгайгаар буюу шуудайгаар худалдаж буй нэг кг дээд зэргийн “Алтан тариа” гурилын үнэ 1300-1560 төгрөгийн үнэ ханштай байна. Харин “Бөмбөгөр”, “Барс” хүнсний захуудад дээд зэргийн “Алтан тариа” гурил 1400 төгрөг, 1-р зэргийн гурил 1100 төгрөгөөр тус тус зарагдаж байна.

“Атар” талх хүнсний зах, дэлгүүрт 1200-1399 төгрөгийн үнэтэй байна. “Хүчит Шонхор”, “Хархорин”  хүнсний захуудад “Атар” талхыг хамгийн хямд буюу 1200 төгрөгөөр, харин “Номин” супермаркетад хамгийн өндөр үнээр буюу 1399 төгрөгөөр худалдаалж байна.

Хүнсний ногооны үнэ

2020 оны нэгдүгээр сарын I долоо хоногт өмнөх долоо хоногтой харьцуулахад монгол лууван 0.6 хувиар өсч 1425 төгрөг, байцай 1.3 хувиар өсч 1462 төгрөг, сонгино хятад 0.8 хувиар өсч 1336 төгрөгөөр тус тус худалдаалагдаж байна.

А.АНИР

"Болор дуран"-аар шалгав.
Энэ мэдээнд өгөх таны сэтгэгдэл?
1
ХарамсалтайХарамсалтай
1
БурууБуруу
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
Баярлалаа!

Холбоотой мэдээ

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

mahnii une osson baina lee 2020-01-12 64.119.23.189

hudlaa bicheed l BOMBOGORT uhriin mah 12200 baina lee bi avsan

Avatar

зочин 2020-01-12 202.9.46.84

Хятад ногоо үнэхээр хортой юм байна. шинэ жилийн баярт зориулж авсан алим одоо хүртэл ширээн дээр байна . ямарч муудсан юм байхгүй. Гайхалтай. Биднийг бага байхад бушуухан идэж дуусгахгүй бол маргааш нь л муудчих гээд гэрээр дүүрэн үнэртдэгсэн.Жинхэнэ хор хавдарын эх үүсвэр байна. Грагаж хаялаа.

NewsMN Гар утасны хувилбар Татах
NEWS.mn

Мэдээллийн эх сурвалж