ДТ-ний үнийн нэмэгдлээр АИ-92-ын алдагдлыг нөхөх үү? | News.MN

ДТ-ний үнийн нэмэгдлээр АИ-92-ын алдагдлыг нөхөх үү?

ДТ-ний үнийн нэмэгдлээр АИ-92-ын алдагдлыг нөхөх үү?

ДТ-ний үнийн нэмэгдлээр АИ-92-ын алдагдлыг нөхөх үү?

АНУ Ираны дайсагнал газрын тосны үнийг хөөрөгдөж, 2020 оны нэгдүгээр сарын 8-нд баррель нь 70 ам.долларт хүрсэн билээ. Гэхдээ АНУ-ын Ерөнхийлөгч нөхцөл байдалтай холбогдуулан мэдэгдэл хийсний дараахан газрын тосны үнэ бага зэрэг доошилж, өнөөдөр баррель нь 65 ам.доллар руу буулаа. Харин цаашид газрын тосны үнийн өсөлтөд геополитикийн нөхцөл байдлаас гадна суурь шалтгаанууд  нөлөөлнө гэдгийг шинжээчид тэмдэглэж байна. Учир нь дэлхий дахинд газрын тосны нийлүүлэлтийн хэмжээ саарч байгаа аж. Мөн үнийн өсөлт нь ОПЕК + хэлцлийг сунгах, АНУ дахь занарын компаниудын үйлдвэрлэл буурах, Хятад, Энэтхэгт хэрэглээ нэмэгдэх зэрэг нөлөөлж болзошгүй байна.

Хэрвээ Иран АНУ-ын үйлдэлд хариу арга хэмжээ болгон Саудын арабын газрын тосны объектод халдах эсвэл газрын тосны дэлхийн нийлүүлэлтийн 20 хувийн тээвэрлэдэг Ормузын хоолойг хаахыг оролдвол газрын тосны үнэ цаашид ч өснө гэж Financial Times мэдээлж байна.

Goldman Sachs-ийн шинжээчдийн үзэж буйгаар, газрын тосны үнийн эрсдэл хэт өндөр байгаа бөгөөд өнөөгийн үнийн түвшнийг хадгалахын тулд нийлүүлэлтийн хувьд тодорхой арга хэмжээ авах шаардлагатай. Гэхдээ Иран ямар ч хариу барьсан, тэд газрын тосны объект руу халдах нь тодорхой гэж мэдээлэв.

Дэлхий дахинд өрнөж буй энэ үйл явдал Оросын зах зээл дээр тийм ч айхтар нөлөөлөөгүй байна. Тухайлбал, Ираны генерал Сулеймани алагдах үед дэлхийн зах зээл дээр болж буй шокийн эрсдэлээс үл хамаарч Оросын хувьцааны зах зээл өсөв. Үүнд Оросын газрын тос, байгалийн хийн компаниудын хувьцаа эрэлттэй байсан нь голлон нөлөөлжээ. Гэхдээ нөхцөл байдал намжихтай зэрэгцэн, Оросын хөрөнгийн зах зээлийн индекс унасан байна.

Дэлхийн зах зээл дээр газрын тосны үнэ хэлбэлзэхэд тэр дундаа Орос газрын тосны импортын татварууддаа зохицуулалт хийн өсгөхөд Монголд энэ нь шууд нөлөөлдөг гэж хэлж болно. Учир нь Монгол Улсын газрын тосны хэрэглээний 90 гаруй хувь ОХУ-аас шууд хамааралтай байгаа юм.

Эрсдэл болохоос сэргийлж, Засгийн газар лхагва гаригт /2020.01.08/ шатахууны эрсдэлийн сан байгуулах шийдвэр гаргасан. Гэхдээ энэ нь зөвхөн АИ-92 шатахууны үнийг тогтвортой байлгахад чиглэх юм. Өөрөөр хэлбэл, уул уурхай, хөдөө аж ахуй, тээврийн салбарт хамгийн их ашиглагддаг дизель түлшний үнийг тогтвортой барихад дээрх эрсдэлийн сангийн зохицуулалт орж ирэхгүй байхаар зохицуулсан нь эргээд Монголд хүндрэл бий болгож болзошгүй байна.

Тодруулбал, дизелийн түлшний импорт уурхайнуудын үйл ажиллагаатай уялдан тогтворгүй, хэлбэлзэлтэй байгаа боловч урт хугацаанд өсөх хандлагатай байна.

Монгол Улсад дунджаар нэг автотээврийн хэрэгсэл нэмэгдэхэд шатахууны хэрэглээ 1.8 тонн буюу өдөрт зургаан литр шатахууны хэрэглээ нэмэгдэхээр тооцоо гарчээ. Манай улсын хувьд автобензиний хэрэглээний дийлэнхийг жижиг тэрэг, нийт тээврийн хэрэгсэл эзэлдгээс хувийн хэрэглээ зонхилдог. Харин дизелийн түлшний хэрэглээний дийлэнхийг ачаа тээвэр, уул уурхайн машин механизм зэрэг хүчин чадал ихтэй техник хэрэгслүүд эзэлж байна. Дизелийн түлшний хэрэглээнд нөлөөлж буй голлох хүчин зүйлст бөөний борлуулалт буюу уул уурхай, төмөр замын салбар, жижиглэнгийн борлуулалт буюу автозамын тээвэр, хувийн хэрэглээ багтдаг. Бөөний борлуулалт нь дизель түлшийн борлуулалтын 50 гаруй хувийг эзэлж байна. Засгийн газар жижиглэнгээр хамгийн их авч хэрэглэдэг АИ-92 шатахууны үнийг тогтвортой барихад зориулж дээрх зохицуулалт хийлээ ч тээврийн зардал өссөн нөхцөлд бусад бараа бүтээгдэхүүний үнэд шууд нөлөөлдөг эсрэг талтай тул зөвхөн ДТ-ний үнийн нэмэгдлээр Аи-92-ын алдагдлыг нөхөх зохицуулалт хийх урьдчилсан бэлтгэл хангав уу л гэж харагдаж байгаа юм.

 

Монгол Улсын газрын тосны бүтээгдэхүүний импортын хэмжээ

Импортолсон газрын тосны бүтээгдэхүүн 

 

 

Энэ мэдээнд өгөх таны сэтгэгдэл?
3
ХарамсалтайХарамсалтай
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-01-10 202.126.88.68

ДТ ний үнэ нэмэгдвэл тээврийн зардал өсч, бүх юмны үнэ нэмэгдэнэ. н**ш гэж. Төгрөгийн ханш 2012 оноос хойш хичнээн %-р сулрав, иргэдийн бодит орлого ямар болж буурав..? Одоо дахиад л тээврийн зардал өсч, юмны үнэ өсөх нь.. Ёстой бүтэхгүй нь ээ. Чөтгөр аваасай

Avatar

Зочин 2020-01-10 89.247.124.27

Мөн ч тэнэг шийдвэр гаргах юм даа. Сангийн яам ийм зүйлийг зөвшөөрдөг юм байх даа

Avatar

Ёндон 2020-01-10 103.29.144.170

Ийм тэнэгүүдийг толгой дээрээ гаргасан монголчууд мөн өрөвдөлтэй

Avatar

Зочин 2020-01-10 103.57.93.117

Петровис Содмонгол тэргүүтэй лалрууд нэфтийн үйлдвэр барих ажилд саад болоод байвал ууралсан ард түмэн удахгүй духанд чинь тугалга зооно шүү,

Avatar

ЗУРХАЙЧ 2020-01-10 202.179.26.208

ДТ НЭМЭГДВЭЛ ЮМНЫ ҮНЭ , ЮУН ТҮРҮҮН МАХНЫ ҮНЭ НЭМЭГДЭНЭ

Avatar

Зочин 2020-01-10 202.170.84.188

ЗГ-н новшнуудаа юугаа дэмийрээд байгаан. Та нарынхээр тэгээд ард түмэн гэдэг нь зөвхөн 92 уу тээ??!!!! яахаараа дизель хэрэглэдэг бензин хэрэглэдэгээр нь торгож ялгаврлаж байгаан!!! Усан тэнэг малнууд чинь нэмбэл бүгд л нэмэгдэх ёстой, үгүй бол зөв зохицуул!!!

Avatar

Зочин 2020-01-10 43.228.129.131

Хэрэв дизель түлшний үнэ цаашид хязгааргүй нэмэгдвэл бүх төрлийн тээврийн, уул уурхайн үйлдвэрлэлийн зардал өснө, ашиг буурна, улсад төлдөг татвар нь багасна (зөвхөн уул уурхай ч гэлтгүй нийт аж үйлдвэрлэл, ер нь бүх баялаг бүтээгч үйлдвэрлэгчидэд энэ хамаатай). Нийслэлийн нийтийн тээврийн алдагдал хяналтаас гарна, автобуснуудаа явуулж чадахгүйд хүрнэ. Эцэст нь бүх юмны үнэ өснө, ийм л дүр зураг харагдаж байна.

Avatar

Зочин 2020-01-10 202.131.242.254

Популизмын бас нэг хэлбэр шүү дээ. Дизель түлш хэрэглэдэг бонго, портертой малчид, тариаланчид, аж ахуй эрхлэгч, тээвэрчид, түгээлтийн машинтай үйлдвэрүүдийг шулж, бензиний үнийг барина гэдэг шудрага биш. Аи-92 бензин, дизель түлшний үнэ өмнө адилхан байсан бол одоо 650 төгрөгний зөрүүтэй болсон.

NewsMN Гар утасны хувилбар Татах
NEWS.mn

Мэдээллийн эх сурвалж