ОХУ-ын Чанарын байгууллагын дарга Максим Протасов “Российская газета” сонинд өгсөн ярилцлагадаа Оросын зарим хүнсний бүтээгдэхүүн чанарын хувьд дэлхийн түвшинд хүрсэн хэмээн хэлжээ.

Тухайлбал, зайрмаг, жигнэмэг, төрөл бүрийн амттангууд олон улсын зах зээлд өрсөлдөхүйц чанартай үйлдвэрлэж байгааг тэр онцолсон байна. Мөн ургамлын тос, экологийн цэвэр улаан буудайгаар хийсэн гурил өрсөлдөх чадвартай гэжээ.

ОХУ Латин Америкийн орнууд руу сайн чанарын мах, Европын орнууд руу тахианы мах экспортлолдог.

Сүүлийн жилүүдэд Орост тариалсан усан үзмийн дарс, мөн бяслагын чанар эрс сайжирсан гэдгийг Максим Протасов хэллээ. Ер нь хүнсний органик бүтээгдэхүүний зах зээлд Орост их найдвар байгаа хэмээн тэр хэлжээ.

Эх сурвалж: РИА НОВОСТИ