"Сүүдрийн командлагч" Касем Сулеймани гэж хэн бэ? | News.MN

"Сүүдрийн командлагч" Касем Сулеймани гэж хэн бэ?

ХҮМҮҮС

"Сүүдрийн командлагч" Касем Сулеймани гэж хэн бэ?

"Сүүдрийн командлагч" Касем Сулеймани гэж хэн бэ?

Дэлхийн улс орнууд шинэ оны эхний долоо хоногийг дуулиантайхан өнгөрүүллээ. АНУ, Ираны дайсагналцсан байдал хурцдаж, дэлхийн гуравдугаар дайн бараг л эхлэнгээ алдаад намжив бололтой. Хоёр улсын байдал хурцадсан нь Ираны тусгай хүчний генерал Касем Сулейманиг АНУ тусгай ажиллагаа явуулан хөнөөснөөс үүдэлтэй.

Иран улсын нийслэл Тегеран хотноо болсон Сулейманиг эцсийн замд нь үдэх ёслолд оролцохоор хэдэн арван мянган хүн цугларан, олон хоногийн турш гашуудаж, генералийнхаа өшөөг АНУ-аас авахыг шаардан жагссан. Бүр АНУ-ын Ерөнхийлөгчийн толгойг 80 сая ам.доллараар үнэлээд амжсан билээ. Мөн иранчууд амь үрэгдсэн генералынхаа өшөөг авахаар АНУ-ын хоёр цэргийн бааз руу 20 гаруй пуужин хөөргөн бөмбөгдсөн юм.

Энэ бүх мөргөлдөөн, тэмцлийн гол эзэн Касем Сулеймани гэж чухам хэн байсан бэ, иранчуудын хувьд үнэхээр тийм чухал хүн байв уу?

Касем Сулеймани нь Ираны хувьсгалт корпусын гол хүчин болох "Кудс" бүлэглэлийн тэргүүн байв. Тэрээр 1998 онд энэхүү Ираны зэвсэгт хүчний гадаад бодлогыг хариуцдаг гол байгууллагын тэргүүнээр томилогджээ. Тиймдээ ч тэр эх орноо төлөөлөн дэлхийн томоохон удирдагчидтай нүүр тулан яриа хэлэлцээр хийж, цэрэг стратегийн олон чухал шийдвэр гаргахад нөлөөлж явсан байна.

Барууны орнуудад түүнийг “Сүүдрийн командлагч” хэмээн нэрлэдэг бөгөөд улсдаа төдийгүй гадаад улс орнуудад ч ихэд нэр хүндтэй, алдартай нэгэн байжээ.

Тэрээр 1957 оны гуравдугаар сарын 11-ний өдөр Ираны Керман мужийн Канет-и-Малек хотноо газар тариалан эрхэлдэг тарчигхан амьдралтай гэр бүлд мэндэлжээ. Ах, эгч, дүү тавуулаа өсч, ахлах сургуулиа төгсмөгцөө эцэг эхийнхээ өрийг төлөлцөхөөр барилга дээр ажиллаж эхэлсэн байна. Дараа нь Керман мужийн Ус сувгийн газарт ажилд орж, ажлаас бусад чөлөөт цагаараа спорт зааланд очиж, бэлтгэл хийдэг байжээ. Үүнийхээ хажуугаар Ираны шашны одоогийн дээд удирдагч Аль Хамейнигийн сургааль, номлолд суудаг байсан нь түүнийг хувьсгалт үйл ажиллагаанд эргэлт буцалтгүй оруулсан гэдэг. Энэ цаг үед түүний хувийн амьдрал гэхээс илүү Иран улс болон олон улсад ямар нөлөөтэй хүн байсан нь илүү сонирхол татна.

Сулеймани 1979 онд Исламын хувьсгалын дараахан Исламын хувьсгалт корпуст элсэн орж, хэдий мэдлэг туршлага бага ч Ираны баруун хойд хэсэгт байрлах Баруун Азербайжан мужид Курдын салан тусгаарлагч бүлэглэлийн бослогыг дарах ажилд гар бие оролцон, өөрийнхөө чадварыг нотолж, маш хурдан өсөн дэвжээ.

1980 оны есдүгээр сарын 22-ны өдөр Саддам Хуссейн Иран руу довтолж, Иран-Иракийн дайныг эхлүүлэх үед тэрбээр бүтэн салаа удирдан байлдааны талбарт өөрийн биеэр тулалдаж явсан байна. Үүргээ амжилттай биелүүлсэн Сулеймани 20 гаруйхан насандаа 41-р дивизионы командлагч болж, ихэвчлэн өмнөд нутгуудад ажиллаж байжээ.

Цэргийн стратегийн хувьд Сулейманигийн тэргүүлж байсан "Кудс" байгууллага нь Иран улсад ямар ч цөмийн хөтөлбөр, цэрэг дайны зэвсэглэл, баллистик пуужин зэргээс илүү амин чухал ач холбогдолтой юм.

Тэр хувь хүнийхээ хувьд маш төлөв даруу нэгэн байжээ. Албан ёсны томоохон арга хэмжээ л биш бол барагтай бол дүрэмт хувцас өмсөөд байдаггүй. Хэн ч, хаанаас нь ч харсан бүхэл бүтэн улсын цэргийн томоохон хүчний ерөнхий командлагч гэж харагдахааргүй хүн байсан аж. Нөгөөтэйгүүр түүний удирдан зохион байгуулах чадвар, цэрэг дайны чадварлаг стратеги зэргээс гадна төлөв даруу байдал нь гадаад ертөнцөд Исламын үзэл суртлыг эергээр харагдуулах “нүүр царай” болж байсан гэхэд хилсдэхгүй.

Касем Сулеймани бол Исламын хувьсгалын үзэл санааг Ойрхи Дорнодод түгээхэд гол үүргийг гүйцэтгэж байсан, эх орондоо үндэсний баатрын хэмжээнд өргөмжлөгддөг нэр алдар нь түгсэн нэгэн байжээ. Түүний тухай яг л түүхэн баатруудынх шиг баримтат болон уран сайхны кинонууд олон байдаг аж. Тэр ч бүү хэл нэгэн үе түүнийг Ираны дараагийн Ерөнхийлөгч болоход хамгийн тохиромжтой хүн гэж үзэж байсан ч тэрээр өөрөө зөвшөөрөөгүй байна.

"Болор дуран"-аар шалгав.
Энэ мэдээнд өгөх таны сэтгэгдэл?
19
ХарамсалтайХарамсалтай
5
ГайхмаарГайхмаар
4
ЗөвЗөв
4
ХахаХаха
3
ТэнэглэлТэнэглэл
3
БурууБуруу
0
ХөөрхөнХөөрхөн
Баярлалаа!

Холбоотой мэдээ

17 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Zochin 2020-01-09 69.250.229.47

Harahad nudend dulaahan hun bna.

Avatar

Zochin 2020-01-09 103.212.118.106

Ugaasaa hun medehgui yumaa huleen zubshuurduggui shu dee. Yadaj l manaihan shig tom har mashin unasan hulgaich luivarchin bish baij. Daruu hun baij. Allahiin iveeldee taivan noirsog.

Avatar

Зочин 2020-01-09 192.82.68.197

Trumpiig ustgaach Iranuudaa davartsan USA

Avatar

Аллахын ивээлдээ мөнх нойрсог 2020-01-09 139.5.216.134

Харизма өндөртэй, хувь хүнийхээ хувьд их юм боддог ухаалаг хүн байж дээ. Аллахын ивээлдээ мөнх нойрсог.

Avatar

Zochin 2020-01-09 24.46.100.17

Em huniig ted hundeldeggui ni ,olon ehner nertei,daramtlan hynaj bg ni yu be????

Avatar

Zochin 2020-01-09 24.46.100.17

Olon ehner nertei,…emegteichuudiig doromjlon,huchirhiilne,zodno,hynana
…tegeed bodohoor hun torolhtnii heviin ys,amidral,surgaali monuu?

Avatar

Хүн 2020-01-09 203.91.115.54

Энэ дарангуйлагч нарт нэг нийтлэг муухай юм бнаа үр хүүхдүүдээ дан өөрсдийн үзэн яддаг барууны оронд амьдруулчихдаг нь муухай Оросын бүх үе үеийн дарга нарын хүүхдүүд бүгд баруунд энэ генералын охин ч ялгаагүй америкд амьдардаг амеркийн иргэн тэгхээр яажич бодсон амеркийн зөв

Avatar

Зочин 2020-01-09 107.77.173.34

Нэг айхтар алан хядагчийг магтаад чаачих бололтой юм аа…Монгол улс лалын ертөнцөд түй ч хамаагүй улс биш билүү?

Avatar

Зочин 2020-01-09 64.119.19.125

ОНГОЦ БӨМБӨГДДӨГ ГЭЖ СОНСОЖ БАЙСНААС ПУУЖИН БӨМБӨГДДӨГ ГЭЖ СОНСООГҮЙ ШҮҮ NEWS-ИЙНХЭН.

Avatar

Зочин 2020-01-09 202.9.46.136

ахах эргүү хөдөө с**

Avatar

Муслим 2020-01-09 103.216.196.2

Өөрсдийгөө сэлэм хутгаар цохиж тамлана.хувцсаа урна.түр гэрлэлт нэрээр завхайрна.яаж мусалман БАЙХАВДЭЭ.исламын 1000 гаруй сүмүүдийг бөмбөгдөж устгасан.ийм хүмүүс мусалман байх учиргүй билээ.

Avatar

irgen 2020-01-09 202.21.127.170

Эх орныхоо төлөө ингэж тэмцдэг хүнийг аль улсад баатраа гэж үздэг номтой. Жинхэнэ баатрын өмнө дайсан байсан ч хүндэтгэл үзүүлдэг ёстой. Иймд Ираны баатар Сулейманыг хүндэтгэж байна.

Avatar

Муслим 2020-01-09 103.216.196.2

Багдадруу куфар монголчуудыг оруулж хядуулсан алуурчид чинь персүүд.жинхэнэ балиар алуурчид.наад чинь алан хядагч.

Avatar

Муслим 2020-01-09 103.216.196.2

Исламын гэнгүүт мусалман гэж ойлгоод байдаг.шийтүүд мусалманууд биш юм.шийтүүд суннануудыг хядаж байгаа гол алан хядагчид юм

Avatar

ХАХАХА онигоо 2020-01-09 202.21.96.212

kkk, SHIIT -үүд муслим бишээ, гуцаж байгаан шүү, шарын ба улааны шашин болон католик ба протестант гэдэг SHIIT & SUNNI 2 чинь исламын шашины – урсгалын муслимууд, яана даа нээрээ

Avatar

Муслим 2020-01-09 103.216.196.2

Исламыг ирснээс хойш гарсан санаа болхоос исламтай хамаагүй зүйл.Элчийн үед ийм юмны сураг чимээ байгаагүй юм. ойлгохгүй хэцүү хүмүүс шүү

Avatar

Зочин 2020-01-09 202.179.26.147

За хэнд хамаатай юм. Шарын улааны, протестант католик, коммунист капиталист, МАН АН шиг хуваагдаа биз.

NewsMN Гар утасны хувилбар Татах
NEWS.mn

Мэдээллийн эх сурвалж