МЭХ “Соёлын довтолгоо-2” төсөл, “Соёлыг түгээе” үндэсний аяныг эхлүүллээ | News.MN

МЭХ “Соёлын довтолгоо-2” төсөл, “Соёлыг түгээе” үндэсний аяныг эхлүүллээ

МЭХ “Соёлын довтолгоо-2” төсөл, “Соёлыг түгээе” үндэсний аяныг эхлүүллээ

МЭХ “Соёлын довтолгоо-2” төсөл, “Соёлыг түгээе” үндэсний аяныг эхлүүллээ

Монголын эмэгтэйчүүдийн холбоо 2020 онд “Соёлын довтолгоо-2” төсөл, “СОЁЛЫГ ТҮГЭЭЕ” аяныг үндэсний хэмжээнд эхлүүлж байна. Аяны хүрээнд Монгол орны 21 аймаг, Нийслэл хотын 9 дүүрэгт тодорхой хуваариудын дагуу дээрх үйл ажиллагааг зохион байгуулна.

Монголын эмэгтэйчүүдийн байгууллага 20-р зуунд Монгол улсад соёлын довтолгоо өрнүүлэн, ахуйд соёлын хувьсгал хийж, бүх нийтийг бичиг үсэгт сургах, хүн амыг эрүүлжүүлэх, соёлжуулах, боловсруулахад түүхэн үүрэг гүйцэтгэсэн бол 21-р зуун, нийгэм цаг үеийн шилжилтийн энэхүү он жилүүдэд, дэлхийн хөгжил, хувьсан өөрчлөгдөж буй шинэ эринд дасан зохицох чадвартай, үндэсний өв соёл, уламжлал ёс жудгаа хадгалж хамгаалах, соёлч боловсон, боловсрол мэдлэгтэй, мэдлэгээ ашиглан баялаг бүтээж хэрэглэж чаддаг, хүмүүнлэг энэрэнгүй шинэ үеийн залуусыг бэлтгэхэд зорьж байна.

Иймд гэмт хэргээс урьдчилан сэргийлэх, архи, мансууруулах бодисын нөлөөллөөс залуу үеэ хамгаалах, технологийн дэвшилд суурилсан мэдээллийг зөв шуурхай, хүртээмжтэйгээр хүлээн авч, зөв хэрэглэж заншсан, хөрвөх чадвартай монгол иргэдийг бэлдэхэд ээжүүд, аавууд, найзууд, бүгд нэг зорилготой хамтран ажиллахыг уриалж байгаа юм.

Тус зорилгод үүрэгжин нэгдсэн Монголын нийгэмд зөв үлгэрлэл үзүүлж чадахуйц, салбар салбарын манлайлагч залуусыг МЭХ “СОЁЛЫГ ТҮГЭЭГЧ”-ээр батламжлан энэхүү төслийг хэрэгжүүлж эхэллээ.

Төслийн нээлт Монголын эмэгтэйчүүдийн холбооны Ерөнхийлөгч Б.Оюунгэрэлийн хөдөө орон нутгийн анхны томилолтоор өнөөдөр эхэлсэн. Эрдэнэт хотоос эхэлсэн тус аян, 1-р сарын 9-нд Хөвсгөл, 10-нд Завхан, 23-нд Хэнтий, 24-нд Дорнод, 25-нд Сүхбаатар аймгуудад үргэлжилнэ.

“Хандлагаа өөрчилж-Хамтдаа хөгжицгөөе” уриатай “Соёлын довтолгоо-2” төсөл, “Соёлыг түгээе” аянд та ч бас нэгдээрэй.

/Яг одоо 2020 оны 1-р сарын 7-ны 16:00 цагт Эрдэнэт хотын УУРХАЙЧИН соёлын ордонд энэ өдрийн хоёр дахь удаагийн уулзалт эхэлсэн. Энэ өдөр нийт 1000 орчим хүн цугласан байна.

Эрдэнэт хотын УУРХАЙЧИН соёлын ордонд Бит бокс урлагийг түгээн дэлгэрүүлэгч Б.Нарандэлгэр

Эрдэнэт хотын УУРХАЙЧИН соёлын ордонд Жүжигчин Б.Одончимэг

Эрдэнэт хотын УУРХАЙЧИН соёлын ордонд Дуучин С.Гантогоо

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-01-09 182.160.38.74

Гудамжинд хаа сайгүй нус шүлсээ хаядаг, булан тохой бүрт шээдэг, олон нийтийн газар найтааж ханиахдаа амаа дардаггүй соёлгүй улсыг соёлжуулах хэрэгтэй

NewsMN Гар утасны хувилбар Татах
NEWS.mn

Мэдээллийн эх сурвалж