Хөлбөмбөгийн европын аварга шалгаруулах тэмцээн ирэх жил Франц улсад болох учиртай. Энэ удаагийн Европын аварга шалгаруулах тэмцээнд 24 баг оролцох болсноороо онцлогтой.

Тэгвэл Европын аваргын урьдчилсан шатны тэмцээний хэсгийн тоглолтууд өндөрлөж байна. Өнөө шөнө гурван хэсгийн тоглолт болсноор 20 багийн нэр эцэслэн тодорно. Улмаар плей-офф шатнаас дөрвөн баг оролцох эрхээ авна.

Тэгвэл энэ удаагийн Европын аваргын урьдчилсан шатанд Английн шигшээ баг 10 тоглолтоос 10 хожиж, 30 оноо цуглуулснаар 100 хувийн амжилт үзүүллээ. Ингэснээр тэд 100 хувийн амжилт үзүүлсэн 6 дахь баг болж, түүхэн амжилт тогтоосон юм.  Евро-92 тэмцээний урьчдилсан шатанд Францийн шигшээ ганц ч хожигдолгүйгээр эрхээ авч байж.

Тэгвэл 2000 оны Европын аваргын урьдчилсан шатанд Чех энэ амжилтыг үзүүлж байсан бол 2004 оны Европын аваргын урьдчилсан шатанд Франц дахин 100 хувийн амжилт тогтоож байжээ. Харин өнгөрсөн 2012 оны Европын аваргын урьдчилсан шатанд хүчирхэг Герман, Испанийн шигшээ баг ганц ч хожигдол амсаагүй юм байна.

Н.БОЛД

Эх сурвалж: www.mminfo.mn