“Аватар-2” киноны анхны зургууд цацагдлаа

Дэлхийн алдартай кино найруулагч Жеймс Кэмероны найруулсан "Аватар" кино жилийн өмнө гэхэд бүх цагийн үеийн хамгийн их ашиг олсон кино бүтээл байсан билээ. Гэвч Марвелын ах дүү Руссогийн найруулсан "Авенжерс" киноны сүүлийн анги энэ бүх алдрыг "Аватар"-аас булаасан.

Жеймс Кэмерон нэр хүндээ буцаан авахын тулд "Аватар-2" киноны төслийг эхлүүлж, уг кино нь өдгөө зураг авалтын шатандаа явж байна. Өнгөрсөн Даваа гариг (2020.01.06)-т АНУ-ын Невада мужийн Лас Вегас хотод зохион байгуулагдсан 2020 CES үзэсгэлэнгийн үеэр Жеймс Кэмерон өөрийн шинэ кино бүтээлийнхээ анхны зургуудыг цацлаа.

"Аватар" киноны хоёрдугаар анги нь Avatar: The Way of Water гэсэн нэртэйгээр 2021 оны арванхоёрдугаар сарын 18-нд нээлтээ хийх төлөвлөгөөтэй байна.