Мексик улсад 2006 оноос 2019 он хүртэл 13 жилийн хугацаанд 60 мянга орчим хүн сураггүй алга болсон байна. Эдгээр хүмүүсийн ихэнх нь хар тамхи, мансууруулах бодис наймаалагч гэмт хэргийн бүлэглэлд элссэн хүмүүс байжээ. Тус улсад 2006 онд хар тамхины дайн дэгдсэнээс хойш, алга болсон 60 мянган хүн нь 1964-2019 оны хооронд сураггүй болсон нийт хүний 97,5 орчим хувийг эзэлж байна.

Сураггүй болсон хүмүүсийн 53 хувь нь 15-35 настай залуус байсан бол эдгээрийн 74 хувь нь эрэгтэйчүүд байсан аж. Сүүлийн жилүүдэд Мексик улсад хүчирхийлэл газар авч, АНУ руу хар тамхи зөөдөг наймаачдын хоорондын зөрчилдөөнөөс үүдэн ийнхүү хүмүүс олноороо алга болсоор байна. Өнгөрсөн жил гэхэд л тус улсад 31 мянган хүн амиа алдсан байна.

Эх сурвалж:BBC