ОБЕГ-ын харьяа “Аврагч” биеийн тамир-техник спорт хорооны тамирчид чөлөөт бөхийн насанд хүрэгчдийн улсын аварга шалгаруулах тэмцээнээс 4 мөнгө, 2 хүрэл медаль хүртэж, нийлбэр дүнгээр тавдугаар байрт шалгарлаа.

Тодруулбал энэ сарын 3-6-ны өдрүүдэд зохион байгуулагдсан тус тэмцээний эрэгтэйчүүдийн 79 кг-ийн  жинд Д.Төгс-Эрдэнэ, 92кг жинд Д.Доржсүрэн, эмэгтэйчүүдийн 59кг жинд Н.Энхтуяа, 72кг жинд Д.Цогзолмаа  нар тус тус мөнгөн медаль хүртсэн юм.

Харин эмэгтэйчүүдийн 65 кг-ийн жинд Б.Дэлгэрцэцэг, 55 кг-ийн жинд Б.Хулан нар хүрэл медалийн эзэн боллоо гэж ОБЕГ-ын харьяа “Аврагч” биеийн тамир-техник спорт хорооноос мэдээллээ.