Москва хотын Тээврийн газраас мэдээлснээр энэ 2020 онд нийтийн тээврийн паркаа 300 электробусаар шинэчлэх ажээ.

"Өнгөрсөн жилийн өвөл хотын нийтийн тээвэрт цахилгаан автобусуудыг явуулж туршсан. Туршилт амжилттай байсан учраас энэ 2020 онд 300 цахилгаан автобусаар паркаа шинэчилнэ” хэмээн Москва хотын Захирагчийн Тээвэр хариуцсан орлогч дарга Максим Ликсутов сэтгүүлчдэд хэллээ.

Түүний хэлснээр өнгөрсөн жилээс туршсан электробусаар өдөр бүр 32 мянган зорчигч үйлчлүүлж байгаа ажээ.

Цахилгаан автобус нь хамаагүй үр ашигтай байгаа учраас яваандаа дизель хөдөлгүүртэй автобусуудыг паркаас халах зорилготой байгаа юм.

Эх сурвалж: РИА НОВОСТИ