Жибли студи үнэнч шүтэн бишрэгчиддээ шинэ жилийн бэлэг болгож гайхалтай мэдээ дуулгажээ. Тэд өмнө нь Жибли сэдэвт цэцэрлэгт хүрээлэн 2022 онд байгуулна хэмээн шүтэн бишрэгчдээ баярлуулаад байсан билээ. Харин шинэ бэлэг дээрээ тэд "Далайн шуурга, үер гээд хүндхэн жил өнгөрлөө. Байгалийн гамшигт өртөж хэцүү амьдралаар амьдарч буй хүмүүсийг бодохоор сэтгэл эмтрэм. Мөн тийм хүнд хэцүү үеийн дараа амьдралаа дахин шинээр босгож чадаж байгаа агуу ард түмэндээ баяр хүргэмээр санагдаж байна. Хулгана жил эд баялагийг авчирдаг гэлцдэг. Мөн хулганыг үржлийн бурхан ч гэлцдэг. Тиймээс ирж буй хулгана жил бидэнд ээлтэй байх биз ээ" хэмээн бичжээ.