Сайдаа солиод ч авлига, хээл хахуулиасаа салж чаддаггүй, У.Хүрэлсүхийн танхимын нэрийг баастаж байгаа нь Зам тээврийн хөгжлийн яам.

Шинэ он гарахын өмнө Зам тээврийн хөгжлийн яамны Авто тээврийн бодлогын хэрэгжилтийг зохицуулах газрын дарга Х.Оргил-Эрдэнэ авто замын салбарт үйл ажиллагаа эрхэлдэг БНХАУ-ын гүйцэтгэгч компаниас авлига авч байгаад Авлигатай тэмцэх газар /АТГ/-ынханд гардуулсан гэдэг бол 2019 оны есдүгээр сард тус яамны Авто замын бодлогын хэрэгжилтийг зохицуулах газрын дарга Д.Доржханд мөн авлигын хэргээр саатуулагдсан.

Энэ асуудлаар салбарын сайд Б.Энх-Амгалан байр сууриа илэрхийлэхдээ АТГ-ыг магтаад амжлаа. Тэрбээр “Салбартаа 16 жил ажилласан мэргэжлийн хүмүүс. Тухайн салбартаа туршлага хуримтлуулсан төрийн албанд тангараг өргөсөн хүмүүс. Тангаргаасаа няцвал төрийн хуулийн буулганд л орох ёстой. Би бол АТГ сайн ажиллаж байна гэж хэлнэ. Тэр хүмүүс юу болж,  юу болохгүй байгааг мэдэж байгаа. Тэр хүмүүс буруутай бол хариуцлага хүлээлгэх нь зүйн хэрэг. Х.Оргил-Эрдэнэ ажлаа хийхгүй байгаа чөлөөлнө” гэсэн юм.

Г.ХОРОЛ