Аль-Багдади

Кадр: Social Media Website via Reuters TV

“Исламын улс” бүлгийн тэргүүн аль-Багдади (al-Baghdadi)  явсан  авто цуваанд Иракийн  Нисэх хүчний хийсэн  агаарын довтолгоон үр дүнтэй болсон гэж Ираны  мэдээллийн агентлаг ИРНА агентлаг мэдээлэв. Энэ бөмбөгдөлтөөр аль Багдадийн гурван орлогч  аль-Шишани, аль-Сури, аль-Карбули (al-Shishani, al-Suri, al-Karbuli) нарыг устгасан байна. Террористуудын тэргүүн өөрөө шархаджээ.

Аль-Шишани нь ИУ-ын  сурталчилгааг хариуцсан ба аль-Карбули нь  террористуудын шилдэг дарга нарын нэг байжээ. Эх сурвалжийн мэдээгээр  дайчдын дарга нарын цувааны тухай мэдээ авсны дараа Иракийн нисэх хүчин довтолгоог хийсэн байна.

Аравдугаар сарын 11-нд Карабла (Karabla) хот руу явж байсан аль–Багдадийн авто цуваанд агаарын довтолгоон хийн бөмбөгдсөн тухай Иракийн цэргийн мэдээлсэн ч аль-Багдади байсан эсэх нь эргэлзээтэй тухай мэдээлж байсан юм. Сиритэй  хил залгаа Карабла хотод байрласан Анбар муж нь террористуудын түшиц  газрын нэг гэгддэг.

Бэлтгэсэн Ш.МЯГМАР