Австрали Улсын Шинэ Өмнөд Уэльс, Квинсланд мужуудаас эхэлсэн ойн түймэр газар авч, Виктория, ACT мужуудыг хамран хүний амь эрсдэн, өмч хөрөнгө сүйдсэн харамсалтай явдал үргэлжилсээр байгаа билээ. Үүнтэй холбогдуулан тус улс дахь Монголын Элчин сайдын яамнаас монголчууддаа хандан сэрэмжлүүлэг гаргасан байна. Түүнд дээрх мужуудад ажиллаж, амьдарч байгаа монгол иргэд Та бүхнийг анхаарал болгоомжтой байж, тус тусын орон нутгийн засаг захиргаанаас гаргаж буй сэрэмжлүүлэгт анхаарал хандуулж, мөрдөж ажиллахыг зөвлөж байна гэжээ.

Б.ЖАРГАЛ