Баригдаж дуусдаггүй Түлэнхийн төв | News.MN

Баригдаж дуусдаггүй Түлэнхийн төв

Хуучирсан мэдээ: 2020.01.06-нд нийтлэгдсэн

Баригдаж дуусдаггүй Түлэнхийн төв

Баригдаж дуусдаггүй Түлэнхийн төв

Одоогоос долоон жилийн өмнө буюу 2013 онд барилгын ажил нь эхэлсэн Түлэнхийн төв одоо ч ашиглалтад ороогүй байна.

Түлэнхийн төвийн хуучин барилгын насжилт дууссаны улмаас айлын хаяа бараадаад есөн жил болж байгаа билээ. 2012 оны тавдугаар сард Түлэнхийн төв нь Гэмтэл согог судлалын үндэсний төв (ГССҮТ)-ийн байранд шилжиж ирсэн. Гэвч гэмтэлтэй болон түлэгдсэн хүмүүсийг нэг эмнэлэгт хүлээн авч байсан нь ачааллыг эрс нэмсэн тул ГССҮТ-ийнхөн хагас жил болоод “Мөнгөн гүүр” эмнэлэг рүү нүүж, түрээсэндээ сарын 28 сая төгрөг төлж байв. Уг байранд Түлэнхийн төвийнхөн удсангүй, жил гаруй болоод байрыг нь суллаж өгч дахин ГССҮТ-д ирснээр өнөөг хүртэл хэвтэн эмчлүүлэгчдээ хүлээн авч байна.

Түлэнхийн төвийг шинэ барилгатай болгохоор болж 2013 онд Монгол Улсын төсвийн хөрөнгө оруулалтаар ажлыг нь эхлүүлсэн.

Гэвч санхүүгийн эх үүсвэр бүрэн шийдэгдээгүйн улмаас барилгын ажил удалгүй царцсан юм. Харин 2017 оны тавдугаар сард Кувейтийн буцалтгүй тусламжийг авснаар санхүүжилтээс шалтгаалан олон жил дуншсан тус төвийн барилгын ажил үргэлжилсэн. Уг буцалтгүй тусламжийн хүрээнд найман сая ам.доллар шийдвэрлэгдэж, 6.8 саяыг нь барилгад, үлдсэн 1.2 сая ам.долларыг тоног төхөөрөмжид зарцуулахаар төлөвлөсөн билээ. Түүнээс өмнө Засгийн газраас уг барилгад 3.8 тэрбум төгрөг зарцуулаад байсан юм.

Түлэнхийн төвийн шинэ барилга нь үндсэн гурван блоктой. А блок буюу оффис, С блок буюу морг хэсгийн гүйцэтгэгчээр "Цаст констракшн”, В блок буюу амбулатори хэсгийн гүйцэтгэгчээр “Нутгийн зам” ХХК -тай гэрээ байгуулж, барилга угсралтын ажлыг эхлүүлсэн байдаг.

Барилгын ажил 60-80 хувьтай явж байна, удахгүй ашиглалтад орно гэж захиалагч, гүйцэтгэгч талууд хоёр жилийн өмнө мэдэгдэж байсан ч одоог болтол ашиглалтад ороогүй байна.

Шалтгааныг Эрүүл мэндийн яамнаас тодруулахад “Улирлаас шалтгаалаад барилгын ажил түр зогссон. Аль болох түргэн ашиглалтад оруулахаар ажиллаж байна. Санхүүгээс шалтгаалсан юм огт байхгүй. Санхүүжилт аль хэдийн шийдэгдчихсэн” гэх тайлбар өгсөн юм.

Мөн В блокын гүйцэтгэгч компани буюу “Нутгийн зам” компани нь цагтаа ажлаа гүйцэтгээгүйгээс дулааны шугам сүлжээнд холбогдож чадаагүй тул дотоод засал чимэглэлээ хийж чадалгүй, барилгын улирал эхэлтэл барилгын ажлыг зогсоосон гэх тайлбарыг өгсөн юм.
Харин энэ талаар “Нутгийн зам” компаниас асуухад “Гүйцэтгэлийн мөнгөө авч чадахгүй байгаа болохоор ажлаа шамдуулаагүй. Мөнгөө авч байж ажлаа гүйцэтгэнэ” гэх тайлбарыг өгсөн юм.

Гэхдээ Эрүүл мэндийн сайд Д.Сарангэрэл "2019 оны есдүгээр сард багтаан Түлэнхийн төвийн барилга ашиглалтад орно. Санхүүжилтээр гацаасан зүйл байхгүй" гэдэг тайлбар хийсэн ч бодит байдал дээр санхүүжилтгүйгээс уг барилга 2020 онтой золгох боллоо.

 

Р.ДУЛАМ

Энэ мэдээнд өгөх таны сэтгэгдэл?
6
БурууБуруу
2
ХарамсалтайХарамсалтай
1
ЗөвЗөв
1
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
Баярлалаа!

Холбоотой мэдээ

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Mrs VICTORIA JOHNSON 2020-01-06 129.56.85.85

Та 10,000 еврогоос 10.000.000 еврогийн (бизнес, аж ахуйн нэгжийн зээл, хувийн зээл, моргежийн зээл, автомашины зээл, өр нэгтгэх зээл, венчурын хөрөнгө, эрүүл мэндийн зээл гэх мэт) зээлийг олгох ШАЛГАЛТТАЙ САНХҮҮГИЙН КОМПАНИ хайж байна уу? ))
Эсвэл та ямар нэгэн шалтгаанаар банк, санхүүгийн байгууллагаас зээл авахаас татгалзсан уу?
Одоо өргөдөл гаргаж, 3 хоногийн дотор боловсруулж, баталж, санхүүгийн бодит зээлийг аваарай.
ПАСИФИК САНХҮҮГИЙН ЗЭЭЛИЙН ЗЭЭЛИЙН ЗЭЭЛИЙН ЗЭЭЛИЙН ЗЭЭЛИЙН ЗЭЭЛИЙН ЗЭЭЛИЙН

Avatar

И.Норовжав 2020-01-06 93.26.122.49

Түлэнхийн төвийн хуучин барилга нь Хятадын элчин сайдын яамны цогцолбор барихлгын бүрэлдүүнд баригдсан барилга бөгөөд элчин сайдын яамны цогцолбор барилгууд чанартай сайн хэвээрээ байж байхад , мэрэгжлийн хяналтынхан насжилт дууссан буулгах шаардлагатай гэсэн акт тавьж буулгасан , Барилгын чанар муудсан шалтгаан нь барилгын ашиглалтын явцад хийгдэх үйлчилгээ , урсгал засварыг хийгээгүйгээс болсон юм. Ер монголд барилгын ашиглалтын явцад хийж байх урсгал засвар , үйлчилгээг хийлгэж баййх ,

Avatar

Ард 2020-01-06 103.229.121.209

Улс эх орон ард иргэдээ гэсэн сэтгэлгүй хулгайч луйварчид төр гарсан болохоор ийм байгаа юм хэн нэгэн даргын хувийн эмнэлэгийг бол жилийн дотор хөрөнгө мөнгийг шийдээд дууссан байгаа хувийн эмнэлэг худалдаж авахад мөнгө гаргаад байгаа шүү дээ

Avatar

Зочин 2020-01-06 66.181.184.84

компанийг шүүхэд өгч , дампуурлыг нь зарла. нэг л даргын өмч байгаа.

Avatar

Зочин 2020-01-06 50.7.93.83

Задарсан ахмадуудад өгөх мөнгөөрөө энэ эмнэлэгээ босгоод өгөөч ээ. Зах зээлд шилжээд хэдэн жил болж байгаа билээ. Хүний төлөө амьдардаг бэлэнчлэх сэтгэлгээ нээс салцгаах гүй юм уу

Avatar

Зочин 2020-01-06 103.57.95.185

Компани нь шантаажилж сурсан, ажил дуусгах ёстой байсан мөнгөө үрэн таран хийчихээд одоо ингээд гацаагаад, амандаа багтаагаад суучихна. Гаршсан хулгайч нар даа, угаасаа барилга барих ямар ч боломжгүй компани. Маш сайн шалгаж, шантааж хийдэг, тендер идэж сурсан компаниудыг хар дансанд бүртгэж зарлах цаг болсон.

Avatar

зочин 2020-01-06 202.126.88.195

барилгын зарим компаниуд тендер авчихаад ажлаа эхлүүлдэг. явцын 50 -иас дээш хувийг хийсний дараа элдэв шалтаг тайлбар хийж, санхүүжилт хүрэхгүй байна гэж шантаажилж эхлэдэг. зарим гүйцэтгэгч талын хүмүүс авилга авч хамтарч төсвөөс мөнгө нэхээд суучихдаг . тийм л юм болж байна даа

Avatar

Зочин 2020-01-06 203.91.115.40

сайд нь ингэж худлаа ярьж байдаг мөн хэцүүеээ

NewsMN Гар утасны хувилбар Татах
NEWS.mn

Мэдээллийн эх сурвалж