Английн Ливерпүүл клуб өнгөрсөн Пүрэв гариг (2020.01.02)-т Примьер лигийн 20-р тойргийн нөхөн тоглолтоо Шеффилд Юнайтэд клубын эсрэг хийж, 2-0 харьцаатай ялалт байгуулсан. Ингэснээр Ливерпүүл клуб календарийн нэг жилийн хугацаанд Английн Примьер лигт нэг ч хожигдолгүй бахдам амжилт үзүүллээ.

Тэд хамгийн сүүлд 2019 оны нэгдүгээр сарын 03-нд Манчестэр Сити клубын талбайд зочлон тоглож, 2-1 гэсэн харьцаатай хожигдож байсан юм. Үүнээс хойш Английн Примьер лигт 37 тоглолт хийж, 32 хожиж, 5 тэнцсэн үзүүлэлттэй байна.

Ливерпүүл клубээс гадна Английн Примьер лигийн эрин үед 2003-04 оны Арсенал болон 2004-05 оны Челси зэрэг багууд календарийн нэг жилийн хугацаанд ялагдаагүй юм.

Б.МӨНГӨНТАМИР