3,415.19
Багануурт дүүрэгт өнөөдөр /2020.01.03/ "Уран үгсийн чуулган" яруу найргийн наадам болох юм. Энэ удаагийн наадамд нийт 14 яруу найрагч шүлгэн хүлгээ уралдуулах ажээ. Үүнд:
- Тангадын Галсан (Ардын уран зохиолч, Соёлын гавьяат зүтгэлтэн, Д.Нацагдоржийн шагналт, "Болор цом"-ын эзэн)
- Дөнгөтийн Цоодол (Ардын уран зохиолч, Төрийн шагналт, Соёлын гавьяат зүтгэлтэн, "Болор цом"-ын 3 удаагийн эзэн)
- Балжирын Догмид (Ардын уран зохиолч, Төрийн шагналт, Соёлын гавьяат зүтгэлтэн)
- Гомпилдоогийн Мөнхцэцэг (УИХ-ын гишүүн, "Болор цом"-ын эзэн)
- Долгорын Цэнджав (Соёлын гавьяат зүтгэлтэн, Д.Нацагдоржийн шагналт)
- Гун-Аажавын Аюурзана (Соёлын гавьяат зүтгэлтэн, МЗЭ-ийн шагналт)
- Бямбажавын Хүрэлбаатар (Соёлын гавьяат зүтгэлтэн, Д.Нацагдоржийн шагналт)
- Цогдоржийн Бавуудорж (Төрийн шагналт, Д.Нацагдоржийн шагналт, "Болор цом"-ын эзэн)
- Жамсрангийн Баяржаргал ("Болор цом"-ын эзэн, Д.Нацагдоржийн шагналт)
- Шагдарсүрэнгийн Гүрбазар (Соёлын гавьяат зүтгэлтэн, Д.Нацагдоржийн шагналт)
- Баатарын Галсансүх ("Болор цом"-ын эзэн, Д.Нацагдоржийн шагналт)
- Баярхүүгийн Ичинхорлоо ("Болор цом"-ын хошой эзэн, Д.Нацагдоржийн шагналт)
- Норовын Гантулга ("Болор цом"-ын эзэн, МЗЭ-ийн шагналт)
- Цэвэг-Очирын Эрдэнэбаатар ("Болор цом"-ын эзэн, МЗЭ-ийн шагналт) нар багтжээ.
“БОЛОР ЦОМ-37” НААДМЫН ЭХНИЙ ДАВААНД 27 НАЙРАГЧ ӨРСӨЛДӨНӨ
Маргааш буюу нэгдүгээр сарын 4-ний өдөр Багануур дүүрэгт “Болор цом 37” наадам болох билээ. “Болор цом-37” наадамд оролцож буй шилдэг 27 найрагч цаасан дээр бичсэн хоёр шүлгээрээ эхний даваанд өрсөлдсөн юм.
Монголын зохиолчдын эвлэлээс жил бүр уламжлал болгон зохион байгуулж, оны шилдэг яруу найрагчийг тодруулдаг тус наадам анх Ардын уран зохиолч Дэндэвийн Пүрэвдорж нарын санаачилгаар 1983 оны арванхоёрдугаар сард зохион байгуулагдсан түүхтэй. Анхны наадамд санаачлагч Д.Пүрэвдорж "Хүн төрөлхтөнд хэлэх үг" шүлгээрээ тэргүүн байр эзэлж байв.
"БОЛОР ЦОМ”-ЫН ЭЗЭД
1983 он. Хөдөлмөрийн баатар Д.Пүрэвдорж, “Хүн төрөлхтөнд хэлэх үг”
1984 он. Ардын уран зохиолч Д.Цоодол, “Нэр нь тодроогүй баатрууд”
1985 он. Ардын уран зохиолч Б.Лхагвасүрэн, “Шагнал”
1986 он. Яруу найрагч Т.Очирхүү, “Чулууны магтаал”
1987 он. Ардын уран зохиолч П.Бадарч, “Тэмээ”
1988 он. Ардын уран зохиолч Т.Галсан, “Жирмийн сүлжээ”
1989 он. Соёлын гавьяат зүтгэлтэн Ц.Чимэддорж, “Малчин”
1990 он. Д.Нацагдоржийн шагналт Б.Ичинхорлоо, “Тэнгэр”
1991 он. Д.Нацагдоржийн шагналт Б.Ичинхорлоо, “Эх нутаг”
1992 он. Ардын уран зохиолч Б.Лхагвасүрэн, “Хил дээр бичсэн шүлэг“
1993 он. Ардын уран зохиолч Д.Цоодол, “Миний муусайн найз нар”
1994 он. Д.Нацагдоржийн шагналт Ц.Хулан, “Ганцхан ижийдээ унших шүлэг”
1995 он. Яруу найрагч Б.Дорпалам, “Хөөрлийн шүлэг”
1996 он. Төрийн шагналт Д.Төрбат, “Ижий шүлэг”
1997 он. Ардын уран зохиолч Д.Цоодол, “Хуучин дэр модны дууль”
1998 он. Ардын уран зохиолч Б.Лхагвасүрэн, “Ижийтэйгээ байхад”
1999 он. Соёлын гавьяат зүтгэлтэн Ц.Чимэддорж, “Элсэн тасархай”
2000 он. Яруу найрагч Г.Мөнхцэцэг, “Янжинлхам бурханд гуйж мөргөх шүлэг”
2001 он. Төрийн соёрхолт Ц.Бавуудорж, “Хүрэл чоно”
2002 он. Д.Нацагдоржийн шагналт А.Эрдэнэ-Очир, “Зам”
2003 он. Яруу найрагч Д.Урианхай, “Шөнийн онгоц”
2004 он. Д.Нацагдоржийн шагналт Ж.Баяржаргал, “Арга билгийн ертөнц”
2005 он. Яруу найрагч Ж.Мөнхбат, “Бурхан хүсэл”
2006 он. Яруу найрагч Б.Галсансүх, “Англи хэлэнд итгэж зориулав”
2007 он. Яруу найрагч Ш.Лхамноржмаа, “Газрын үг”
2008 он. Яруу найрагч Л.Хасар, “Миний нэг өдөр ингэж санагдаад…”
2009 он. Яруу найрагч Х.Эрдэнэбаатар, “Нэргүй шүлэг”
2010 он. Д.Нацагдоржийн шагналт Ц.Хулан, “Би-Цагаан Дарь эх”
2011 он. Яруу найрагч Д.Болдхуяг: “Монгол хэл”
2012 он. Яруу найрагч Н.Гантулга, “Уулсын сэтгэлгээний тэлэлт“
2013 он. Яруу найрагч Л.Моломжамц, “Хэзээ ба хожмыг өгүүлэх зангирмал үгс”
2014 он. Яруу найрагч С.Мягмаржав, "Тэнгэрийн татах хүч"
2015 он. Яруу найрагч Ц.Эрдэнэбаатар, "Суурин иргэншлийн цаг"
2016 он: Яруу найрагч Борхүүгийн Батсайхан, "Тэр эмэгтэй"
2017 он: Яруу найрагч Мөнгөнхүүгийн Отгонбаяр, "Ижийдээ нас гуйлаа"
2018 он: Яруу найрагч Б.Баттулга, "Гүн ухааны сүлжээ бодролууд"
Б.ЖАРГАЛ
Холбоотой мэдээ