Монгол Улсад Гэрэл зургийн алба үүссэн түүхт 80 жилийн ой энэ өдрүүдэд тохиож байна. Ойн хүрээнд Монголын Хэвлэл мэдээллийн салбар дахь 10 гэрэл зурагчин “PRESS PHOTO” нэртэй үзэсгэлэнг нээж, олон нийтэд бүтээлээ дэлгэлээ. Чингис хааны талбайд тавигдсан дээрх бүтээлүүдээс Монголын өнгөрсөн 15-20 жилийн түүхийг тольдож болохуйц байгаа юм. Улс төр, эдийн засаг, нийгмийн салбарт болж байгаа бүхий л үйл явдлыг он цагийн дараалалтайгаар үзэсгэлэнгээс харж болно.

“PRESS PHOTO” үзэсгэлэнд “Монцамэ” агентлагийн гэрэл зурагчин Т.Чимгээ,Б.Чадраабал, “Үндэсний шуудан” сонины гэрэл зурагчин Г.Эрдэнэтуяа, “Монголын мэдээ” сонины гэрэл зурагчин Г.Аргуужин, “Цензургүй.мн” вэб сайтын гэрэл зурагчи Ц.Баярбаатар, “Өнөөдөр” сонины гэрэл зурагчин Э.Харцага, “Өдрийн сонин”-ы гэрэл зурагчин Ц.Мягмарсүрэн, “МPA.mn-ийн гэрэл зурагчин Б.Бямба-Очир, “Засгийн газрын мэдээ” сонины гэрэл зурагчин Б.Ганбаяр, “Ардчилал” сонины гэрэл зурагчин Ү.Одбаяр нар бүтээлээ дэлгэн тавьсан юм. Нийтдээ 60 гаруй бүтээл багтжээ.

Г.ХОРОЛ