ЭМДЕГ, Даатгалын сангийн үйл ажиллагаа өнгөрсөн онд бүрэн цахимжсан. Энэ нь эрүүл мэндийн салбарыг бүрэн цахимжуулах шат дараатай алхмын нэг юм.

Энэ онд иргэн бүрийн эрүүл мэндийн мэдээллийг нэгтгэсэн нэгдсэн дата сантай болохоор төлөвлөн ажиллаж байгаа аж. Энэ сан эрүүл мэндийн үйлчилгээ авах үед таны өвчний түүх болон эмчилгээ, оношилгоо, шинжилгээний мэдээллүүдийг эмч нар дундын мэдээллийн системээс мэдэх боломж бүрдүүлэх юм. Улмаар иргэд үзүүлсэн эмнэлэг бүртээ дахин шинжилгээ өгч, рентген зураг авахуулах шаардлагагүй болох ажээ.

Энэхүү системийг ирэх 9-10 дугаар сард бүрэн ашиглалтад оруулж, эрүүл мэндийн салбарт нэвтрүүлэхээр төлөвлөсөн байна.

Б.ЖАРГАЛ