Сэтгүүлчид анх удаа "Оны онцлох эдийн засагчид”-ыг шалгаруулав | News.MN

Сэтгүүлчид анх удаа "Оны онцлох эдийн засагчид”-ыг шалгаруулав

Хуучирсан мэдээ: 2020.01.01-нд нийтлэгдсэн

Сэтгүүлчид анх удаа "Оны онцлох эдийн засагчид”-ыг шалгаруулав

Сэтгүүлчид анх удаа "Оны онцлох эдийн засагчид”-ыг шалгаруулав

Эдийн засгийн мэргэшсэн сэтгүүлчдийн клубээс анх удаа "Оны онцлох эдийн засагч" гурван эрхмийг шалгарууллаа. Тус клубын 40 гаруй сэтгүүлчийн үнэлж дүгнэснээр, Үндэсний статистикийн хорооны дарга А.Ариунзаяа, эдийн засагч Ө.Ганзориг, Л.Наранбаатар нар “Оны онцлох эдийн засагч”-аар тодорсон юм.

А.Ариунзаяа ҮСХ-ны даргаар томилогдсоноосоо хойш статистик мэдээллийг энгийн, ойлгомжтой, нээлттэй болгож, олон нийтэд хүртээмжтэй байх чиглэлээр олон шинэчлэл хийсэн нь үр дүнгээ өгсөн билээ. Мөн Монгол Улсын статистик мэдээлэл нээлттэй, хүртээмжтэй байдлаараа бүс нутагтаа тэргүүлж, дэлхийн улс орнуудаас эхний 10-т эрэмбэлэгдэх болсон юм.

Ө.Ганзориг Дэлхийн санхүүгийн музейг Монголд үүсгэн байгуулж, олон нийтийн санхүүгийн боловсролыг дээшлүүлэхэд үнэтэй хувь нэмэр оруулж буй эрхэм. Тэрбээр тэтгэврийн тогтолцоог шинэчлэх ажлыг манлайлан эхлүүлсэн билээ.

Л.Наранбаатар 2019 оны турш жижиг хувьцаа эзэмшигчдийн эрх ашгийг хамгаалахын төлөө нийгэмд дуу хоолойгоо хүргэсээр ирсэн. Ялангуяа төрийн өмчит компанийн засаглалыг сайжруулж, ил тод, нээлттэй болгох, 1072 хувьцааны ногдол ашиг, түүний үр шимийг олон нийтэд хүргэх ажлыг санаачлан хийж буй юм. Тиймээс сэтгүүлчид түүнийг эдийн засгийн салбарын 2019 оны онцлох эрхмээр шалгаруулав.

Шагнал гардуулах үеэр Эдийн засгийн мэргэшсэн сэтгүүлчдийн клубын Удирдах зөвлөлийн гишүүн, сэтгүүлч Б.Баяртогтох “Энэхүү шалгаруулалтыг цаашид уламжлал болгон явуулахаар төлөвлөж байна” хэмээн хэлсэн юм.

Б.ЖАРГАЛ

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж