Өвөр Монголд өчигдөр /2019.12.29/ метроны анхны шугамыг нээсэн талаар Синьхуа агентлаг мэдээлжээ. Нийслэл Хөх хотод метро нээгдсэн уг шугам нь 21,72 км урт, нийтдээ 20 буудалтай, хотын дөрвөн дүүргийг дайрах юм байна. Нийт 2062 зорчигчийн суудалтай галт тэрэгний дээд хурд 80 км/цаг байх аж.

Гурван сая орчим хүн амтай Хөх хот нь Хятадын тээврийн нөхцөл хамгийн муу 10 хотын нэгд багтдаг бөгөөд тус улсад метроны шугамтай 30 хот байдаг аж. 2020 он гэхэд энэ тоог 50 болгохоор төлөвлөөд байгаа тухай албаны хүн мэдээлжээ.

Эх сурвалж: XINHUA