С.Баатаржав: Иргэдийнхээ амар амгалан байдлыг хангахын төлөө ажиллана | News.MN

С.Баатаржав: Иргэдийнхээ амар амгалан байдлыг хангахын төлөө ажиллана

С.Баатаржав: Иргэдийнхээ амар амгалан байдлыг хангахын төлөө ажиллана

С.Баатаржав: Иргэдийнхээ амар амгалан байдлыг хангахын төлөө ажиллана

Монгол Улсын Ерөнхийлөгчийн зарлигаар цэргийн дээд цол “Бригадын генерал” цол хүртсэн Цагдаагийн ерөнхий газрын дарга, дотоодын цэргийн командлагч бригадын генерал С.Баатаржавыг ёслолын жагсаалаар цагдаа, дотоодын цэргийн алба хаагчдын төлөөлөл угтан авсан юм.

Энэ үеэр бригадын генерал С.Баатаржав талархлын үг хэллээ. Тэрбээр “Цагдаа, дотоодын цэргийн байгууллагад мөр зэрэгцэн алба хааж байгаа эрхэм хүндэт офицер, ахлагч, ажилтан нар аа.  Та бүхний энэ өдрийн амрыг эрж мэндчилье.

Үндэсний эрх чөлөө, тусгаар тогтнолоо  сэргээн мандуулсны 108 жилийн ойн баярын энэ өдөр миний бие Монгол Улсын Ерөнхийлөгчийн зарлигаар цэргийн дээд “Бригадын генерал” хэмээх эрхэм хүндтэй цол хүртсэндээ туйлын баяртай байна. 1990 онд Цагдан сэргийлэхийн дээд сургуулийг төгсөн, Төв аймгийн Засаг даргын дэргэдэх цагдаагийн газарт мөрдөн байцаагчаар томилогдон ажиллаж эхэлснээр миний ажил, хөдөлмөр, амьдралын анхны гараа эхэлж байлаа. Миний бие арван тавны цагдаагаас улбаатай, 98 жилийн домогт түүхтэй цагдаа, дотоодын цэргийн байгууллагын дарга, командлагчаар ажиллаж байх энэ цаг мөчид цэргийн дээд цолыг хүртлээ. Энэхүү эрхэм дээд цолыг хүртэхэд Монгол төрийн цагдаа, дотоодын цэргийн байгууллагын нийт бие бүрэлдэхүүн та бүгдийн минь төр ард түмнийхээ өмнө хүлээсэн үүрэг, өргөсөн тангарагтаа үнэнчээр зүтгэж, төрөө түвшин, түмэн олноо амар амгалан байлгахын төлөө уйгагүй хөдөлмөрлөсний үр дүн, хичээл зүтгэл их байсныг тэмдэглэн хэлэхэд таатай байна.

Миний аав Довчинжавын Сайннямбуу нь Нийгмийг аюулаас хамгаалах байгууллагад насаараа ажилласан хурандаа цолтон байсан. Тиймээс ч энэ байгууллагатай бага наснаасаа холбогдож, аавынхаа залгамж, халаа, үргэлжлэл нь болон ажиллаж байна.

Монгол төрийн цагдаа, дотоодын цэргийн байгууллагын бие бүрэлдэхүүн, хамтран ажилладаг төрийн болон төрийн бус байгууллага, иргэд, олон нийтдээ талархал илэрхийлье. Цаашид ард иргэдийнхээ аюулгүй, амар амгалан байдлыг хангахын төлөө хүлээсэн үүрэг, хариуцлагаа гүнээ ухамсарлан ажиллах болно” гэлээ.

Э.АРИУН 

Энэ мэдээнд өгөх таны сэтгэгдэл?
10
ЗөвЗөв
2
ХахаХаха
1
ХарамсалтайХарамсалтай
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

14 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-12-29 103.26.195.10

ЛУЙВАРЧИН ХУЛГАЙЧ ДАРГА НАРЫНХАА ТӨЛӨӨ МОРЬ НОХОЙ МЭТ ЗҮТГЭЕ ГЭЖ ХЭЛСЭН ШҮҮ ДЭЭ

Avatar

Зочин 2019-12-29 103.26.195.10

Иргэдийнхээ гэчихжээ авилгач хулгайч луйварчин дарга нарынхаа төлөө ажиллан гэсэн бол үнэнд ойрхон байлаа

Avatar

.. 2019-12-29 139.5.218.17

Уншсангүй. Гарчигнаас нь харахад урьд нь ажил хийдэггүй нөхөр байж үү гэж бодогдлоо.

Avatar

Зочин 2019-12-29 202.170.84.188

энэ цэргийн дарга нарт цол өгөх ч дүүрчээ…. харин бөхчүүдэд өгдөг тэнэг цэрэг цагдаагийн цолоо зогсоо!!!

Avatar

Bat 2019-12-29 107.218.48.92

Yunch Tom tsol be hedhen tsagdaatai tedniigee oilgotoi tsalinjuulj chadahgyi baij hoorhii neg yosni doromj yumdaa

Avatar

Зочин 2019-12-29 37.230.157.17

Баатаржаваа би чамд өмнө нь маш олон удаа хэлж байсан. Чи бол цагдаа биш. Онол практикйн олигтой мэдлэггүй. Ядамдорж та хоёр яг л нэг тэрэгний дугуйнууд

Avatar

зочин 2019-12-29 202.9.46.210

Цэрэг армийн дээд цолыг энэ мэт дэмий балай газруудад өгдөгөө болих хэрэгтэй шдээ .. ГЕНЕРАЛ гэдэг чинь хэдэн мянган цэрэг эрсийг үхэхх сэхэх тулаанд оруулдаг аймшигтай том цол шдэ …. Цэрэг байхдаа Туваанжав ( Баянгийн улаан Тук ) генералыг хараад өвдөг чичрээд байж билээ ..

Avatar

Зочин 2019-12-29 64.119.16.220

Генерал ч уг нь цэргийн л дээд цол доо, цагдаагийн генерал ч мэдэхгуй, суулийн уед энэ цагдаагийнхны цол хэргэм утгаа алдлаа, ноцолдохоос еерийг мэддэггуй нэг муу бех ч цагдаагийн хурандаа гээд тууж явж байх

Avatar

БУНДУУТ 2019-12-29 122.201.21.191

ЦАГДААД ТОГТООСОН ЖУРАМ ЗӨРЧИН ЦЭРГИЙН ГЕНЕРАЛ ОЛГОЛОО ! ЭНЭ МАШ БУРУУ ЖИШИГ ! НӨГӨӨ ТАЛААР ЦАГДААГИЙН ХУРАНДАА ГЭЖ ДЭСЛЭГЧ ЦОЛ ШИГ ЦОЛ ХАНШТАЙ ЯМАР Ч НЭР ХҮНДГҮЙ ЦОЛ БОЛЖ ХУВИРСАНЫ ГАЙ БАЛАГ ЮМДАА !

Avatar

Зочин 2019-12-29 64.119.17.205

Цагдаагийн сургуульд хүмүүнлэг ёсны хичээл ордоггүй юм уу? Хэрэг юунаас болж гарах болов, хэн хамгийн их буруутай вэ гэдгийг л сайтар тунгааж байж хүнийг шийтгэдэг байх ёстой цаг үе шүү. Социализмын үед осол гаргасан жолоочийг шууд буруутгахаасаа өмнө олон талаас нь шинжилж, дүгнэж байж асуудлыг шийддэг байсан гэдэг. одоо тэр хуучин нийгмээс дор байж болохгүй!

Avatar

Монгол 2019-12-29 192.82.68.186

Уг нь албан тушаалын цол биз дээ? Шагнал гэж буруу ойлгодог болоод удаж байна. Албан тушаалын үүргээ олигтой биелүүлж чадахгүй бол буулгаад цолыг нь бас бууруулдаг байх хэрэгтэй.

Avatar

ТОНШУУЛ 2019-12-29 66.181.181.48

"ШУДРАГА" НЭРТЭЙ ШУЛАМ МЭНГЭТ ХАРЫН ТӨЛӨӨ ЗҮТГЭХЭЭС АРД ТҮМНИЙ ТӨЛӨӨ ЗҮТГЭХ ГЭЖ ЯМАР ЭЛЭНЦЭГ НЬ БАЙХАВ ДЭЭ.

Avatar

зочин 2019-12-29 192.82.76.122

Баяр хүргэе.Энэ амжилтанд хүрэхэд НЦУГ- ын дарга хурандаа Д.Ядамдорж чухал үүрэг гүйцэтгэсэн болов уу.Гэхдээ энэ хурган хурандаа нар бүр замаа алдлаа.Таньдаг хүн болгон хурандаа.Ямарч үнэ цэнэгүй болж.

Avatar

Иргэн 2019-12-29 120.154.105.30

Цагдаад ажиллаж байхдаа олгосон цолны дараагийн цол олгох хугацаа болоод байхад цолыг нь олголгүй цэргийн тэтгэвэрт гаргасан ахмад ажилтанууудалаа цолыг нөхөн олго энлээс танб нахд хэлж баыгаа үг хэр үнэн өолох харагдна

NewsMN Гар утасны хувилбар Татах
NEWS.mn

Мэдээллийн эх сурвалж