Монголд кино урлаг үүсч хөгжсөний түүхт 80 жилийн ой энэ онд тохиож байгаа юм. Энэхүү түүхэн ойг тохиолдуулан энэ сарын 11-нд “Монгол кино” нэгтгэлээс үе үеийн уран бүтээлчдийн уулзалт, хуучны кинонуудын зурганд хэрэглэсэн техник төхөөрөмжийг олон нийтэд танилцуулах өдөрлөг зохион байгуулах гэж байна.  Өдөрлөгт ирснээр алтан үеийн кинонуудад хэрэглэж байсан хуучны болон сэргээн засварласан хувцас, жижиг хэрэглэл, хуучин машин, механизм, кино зурганд ашиглаж байсан аппарат, тоног төхөөрөмжүүдийг үзэж сонирхохоос гадна кино, нэвтрүүлэг хийж байгаа явцтай танилцан, сэтгэлд хоногшсон киноны дуунуудыг сонсох, үе үеийн алдарт кино жүжигчидтэй уулзан, дурсгалын зураг татуулж, гарын үсгийг нь авах боломжтой гэнэ.  Монголд кино урлаг үүсч хөгжсөний 80 жилийн ойг тохиолдуулан “Гайхамшигт дэлгэц” цуврал төсөл хэрэгжүүлж байгаа юм.

 Г.ТУУЛ