АНУ-ын Луизиана муж улсын Лафайет хотноо “Walmart” дэлгүүрийн хажууд жижиг нисэх онгоц осолдсоноос таван хүн амь үрэгджээ. Азаар нисэх онгоцны ослоос нэг хүн амьд гарсан байна.

Нисэх онгоц унахдаа автомашин мөргөсөн ба жолооч нь гэмтэж, газар байсан өөр хоёр хүн гэмтжээ. Нисэх онгоц орон нутгийн цагаар өнөө өглөө /2019.12.29/ 09.00 цагт хөөрсөн боловч ийнхүү сүйрчээ.

Ослын дараа “Walmart” дэлгүүрээс хүмүүсийг яаралтай гаргаж, аврах ажиллагаа явуулсан байна. Хохирогчдын нэг нь спортын сэтгүүлч Карли Анн МакКорд байсныг нөхөр нь “Associated Press” агентлагт мэдээлжээ.

Эх сурвалж: ВВС