Шинэ жилийн баяр дөхсөн энэ өдрүүдэд архидан согтуурсны улмаас золгүй байдлаар амиа алдах тохиолдол буурахгүй байна. Дорнод аймагт энэ сарын 26-ны өдрийн 22 цаг орчимд нэг иргэн харамсалтай байдлаар баржээ. Тодруулбал, Дорнод аймгийн Хэрлэн сумын орон сууцны нэгэн айлаас утаа гараад байна гэх мэдээллийг оршин суугчдаас цагдаагийн байгууллагад ирүүлжээ.

Энэ  дагуу шалгахад тухайн иргэн угаартан нас барсан байсан аж. Эх сурвалжийн мэдээлж буйгаар талийгаач 41 настай, согтууруулах ундааны зүйл хэтрүүлэн хэрэглэсэн үедээ гэртээ ирж, улмаар зул өргөж байгаад гал алдаж угаартан, амиа алдсан байна. Уг хэргийг Дорнод аймгийн цагдаагийн газар шалгаж эхэлжээ.

Э.АРИУН