Элдэв сонин, этгээд загварын эд эдлэл сонирхдог хүмүүст энэхүү мэдээлэл таалагдах нь гарцаагүй. Оргилуун дарс уухад зориулсан яг л гаанс шиг хэлбэртэй, загвартай хундгыг худалдаанд гаргажээ.

Та хундагаа V хэлбэртэйгээр барин оргилуун дарсаа хийгээд, яг л гаансаар тамхи татах гэж байгаа юм шигээр дарсаа шимэн уух юм.

Энэ нь байнга шинэ, этгээд зүйлс турших дуртай эрхмүүдэд ихээхэн таалагдаж байгаа бололтой. Зохион бүтээгчид нь 25 ам.долларын үнэтэйгээр худалдаанд гаргасан энэхүү хундагыг эрэлт ихтэй байгааг онцолжээ.

Т.МӨНХ