ТЦА: Согтуу 10 жолооч тутмын нэг нь эмэгтэй | News.MN

ТЦА: Согтуу 10 жолооч тутмын нэг нь эмэгтэй

ТЦА: Согтуу 10 жолооч тутмын нэг нь эмэгтэй

Тээврийн Цагдаагийн Албанаас /ТЦА/  цаг үеийн асуудлаар  өнөөдөр /2019.12.26/ мэдээлэл хийлээ.


ТЦА-ийн урьдчилан сэргийлэх хэлтсийн дарга, цагдаагийн хошууч Э.Энхболд “Шинэ он гарахад таван  хоног үлдсэн байна.  Аж ахуйн нэгж байгууллага, хамт олон баяр, ёслолыг тэмдэглэн өнгөрүүлж байгаатай холбогдуулан иргэдийн аюулгүй зорчих нөхцөл боломжийг бүрдүүлэх, гарч болзошгүй зам тээврийн осол, хэргээс урьдчилан сэргийлэх зорилгоор тус албанаас цагдаагийн 500 алба хаагч, ДХИС-ын 150 сонсогч нийт 650 алба хаагч хамгаалалт, зохицуулалтад үүрэг гүйцэтгэж ажиллаж байна.

Хяналт шалгалт эрчимжиж эхэлснээр нийслэлийн хэмжээнд 2019 оны арванхоёрдугаар сард нийт 930 согтуугаар тээврийн хэрэгсэл жолоодсон зөрчил илрүүлсэн нь өнгөрсөн оны үзүүлэлтээс 7,3 хувиар буюу 64 нэгжээр өссөн байна.

Мөн улсын хэмжээнд эхний арваннэгэн сарын байдлаар согтууруулах ундааны зүйл хэрэглэсэн үедээ тээврийн хэрэгсэл жолоодсон 31367 зөрчил илрүүлснээс 25467 зөрчилд жолоодох эрх хасах, 13509 зөрчилд 7-30 хоног баривчлах шийтгэл оногдуулж ажиллалаа.

Энэ төрлийн зөрчил гаргаж байгаа жолооч нарын 70 орчим хувь нь 18-35 насных бөгөөд жолооч нар эзэлж байна. Арван  жолооч тутмын нэг  нь эмэгтэй жолооч байна.

Шинэ жилээ тэмдэглэх үедээ архи, согтууруулах ундааны зүйлийг хэтрүүлэн хэрэглэж, өөрийгөө хянах чадваргүй болсон хүмүүс танхай, хулгай, дээрэм гэх мэт гэмт хэрэг, зам тээврийн ослын хохирогч, холбогдогч болох, осгох хөлдөх зэрэг байдлаар амь нас, эрүүл мэнд, эд хөрөнгөөрөө хохирох тохиолдолд цөөнгүй гарч  байна. Тиймээс байгууллага, хамт олон баяр, ёслолын үйл ажиллагааг зохион байгуулахдаа оролцож буй иргэдийн аюулгүй байдлыг хангаж нэгдсэн унаагаар үйлчлэх, найдвартай дуудлагын жолооч дуудах, такси үйлчилгээнд суулган гэрт нь хүлээлгэн өгөх зэрэг аюулгүй ажиллагааг дотооддоо зохион байгуулах шаардлагатай байна.

Согтууруулах ундааны зүйл хэрэглэсэн үедээ автомашинаа унаад явчихна, ойрхон замд болно, их уугаагүй юм чинь зүгээр эсхүл баригдахгүй байх зэргээр хөнгөмсгөөр найдаж замын хөдөлгөөнд оролцохгүй байхыг анхааруулж байна.

Түүнчлэн шинэ оны нарыг харахаар иргэд нэгдүгээр сарын 1-нд Хийморийн овоо, Дөрвөн уулынхаа овоо болон Багахангай дүүргийг ихээр зорьдог. Энэ үеэр иргэдийг аюулгүй зорчуулах үүднээс мөн алба хаагчид хуваарийн дагуу нэмэгдлээр ажиллах юм.

Жолоочид  замын хөдөлгөөний аюулгүй байдлыг хангах,  тусгайлан зассан зам талбайд тээврийн хэрэгслээ байршуулж, явганаар гарах, согтуугаар тээврийн хэрэгсэл жолоодохгүй, хурд хэтрүүлэхгүй, хүүхдийг зориулалтын суудалд авч явахыг ТЦА-аас зөвлөж байна” гэв. 

Э.БУРАМ

Энэ мэдээнд өгөх таны сэтгэгдэл?
2
БурууБуруу
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-12-26 203.91.112.146

захиалгаар ажиллаж авилгаар амьдардаг монголын цагдаа замын нэртэй цагдаа ихсэх нь түгжрэлийг улам нэмэгдүүлж захиалгын зохицуулалт хийдэг ,цагдаа нэмэгдэнэ гэдэг түгжрэл нэмэгдэхэд шууд хамааралтай

Avatar

Зочин 2019-12-26 202.179.27.211

Согтуу 10 жолооч тутмын нэг нь эмэгтэй учир Төрж байгаа 10 эмэгтэй тутмын 1 нь өвчтэй хүүхэд наад цзах нь !!!!!!!!!!!!!!Эмэгтэйчүүдээ битгий уугаач эээээээээээээээээээээээээээээээ

Avatar

зочин 2019-12-26 103.212.116.85

Энэ тоо 5:5 байх ёстой . Тэгш эрх чухал.

Avatar

сэк сээгий сэрэлмаа 2019-12-26 203.91.115.50

баянголыхон замыхан ч цувруулсы шү :):):):):)

Avatar

Zochin 2019-12-26 133.5.11.12

Ямар аймаар хүйсээр ялгаврладаг юм бэ. Согтууруулах ундаа хэрэглэхгүйгээр жолоо барих нь эр эм гэхгүй хүн бүхний үүрэг

Avatar

Зочин 2019-12-26 59.153.113.157

huuhnuuded arga hemjee avahgui bol bolohoo baij.

NewsMN Гар утасны хувилбар Татах
NEWS.mn

Мэдээллийн эх сурвалж