Оросын уран гулгалтын аварга шалгаруулах тэмцээн өнөөдөр буюу арванхоёрдугаар сарын 26-ны пүрэв гаригт Красноярск хотод эхэллээ. Уран гулгалтын УАШТ гэдэг бол Оросын дараагийн Европын аварга болон дэлхийн аваргын шигшээ багийг тодорхойлдог чухал тэмцээн юм.

Эмэгтэйчүүдийн ганцаарчилсан төрөлд өнгөрсөн жилийн сенсацийн эзэн Анна Щербакова, Александра Трусова, Евгений Медведева, Алена Косторная, Елизавета Туктамышева нарын хооронд гол өрсөлдөөн болно гэж таамаглаж байна. Харин саяхан их спортоосоо хөндийрсөн Олимп, дэлхий, Европын аварга Алина Загитова телевизийн студид тайлбарлагч хийх гэнэ. Харин эрэгтэйчүүдийн төрөлд Максим Ковтун, Михаил Коляда, Александр Самарин, Дмитрий Алиев нарын хооронд гол тулаан болно гэж мэргэжилтнүүд үзэж байна.

Уран гулгалтын спортын өнгийг тодорхойлдог Орос улсаас энэ жил хэн гэдэг тамирчин цахиур хагалан гарч ирэх нь сонирхолтой байна.

                                                                                                                                      Б.МӨНГӨНТАМИР