ОХУ-ын Красноярск мужийн нутаг дэвсгэрт өчигдөр /2019.12.25/ 21 зорчигч тээвэрлэж явсан Ми-8 нисдэг тэрэг осолджээ. Ослын улмаас 15 хүн бэртэж гэмтсэнээс нислэгийн багийн ахмад болон өөр нэг зорчигч эмнэлэгт хүргэгдсэн байна. Нислэгийн багт гурван хүн байжээ.

Тус улсын Онцгой байдлын яамнаас мэдээлснээр онгоц хөөрөөд удалгүй цасан шуурганд орж, буцаад газардахдаа осолджээ. Нисдэг тэрэгний сүүл, урд сэнс эвдэрсэн бөгөөд газрын тосны үйлдвэрийн ээлжийн ажилчдыг зөөж яваад ийн осолдсон гэнэ.

Эх сурвалж: TASS