Элчин сайд Кобаяши Хироюки Итгэмжлэх жуух бичгээ өргөн барив | News.MN

Элчин сайд Кобаяши Хироюки Итгэмжлэх жуух бичгээ өргөн барив

Элчин сайд Кобаяши Хироюки Итгэмжлэх жуух бичгээ өргөн барив

Элчин сайд Кобаяши Хироюки Итгэмжлэх жуух бичгээ өргөн барив

Япон улсаас Монгол Улсад суух Онц бөгөөд Бүрэн эрхт Элчин сайд Кобаяши Хироюки өнөөдөр Монгол Улсын Ерөнхийлөгч Х.Баттулгад Итгэмжлэх жуух бичгээ өргөн барилаа. Элчин сайд Кобаяши Хироюкиг Итгэмжлэх жуух бичгээ өргөн барьсантай нь холбогдуулан Монгол Улсын Ерөнхийлөгч Х.Баттулга хүлээн авч уулзав.

Ноён Кобаяши Хироюки Монгол Улсад гурав дахь удаагаа Элчин сайдаар томилогдон ирж байгаа бөгөөд энэ туршлага нь Монгол-Японы Стратегийн түншлэл, эдийн засгийн харилцааг өргөжүүлэхэд чухал нөлөөтэй болохыг Монгол Улсын Ерөнхийлөгч онцлон тэмдэглэлээ.

Япон улстай хөгжүүлэх эдийн засгийн гол харилцаа нь Монгол Улсад хэрэгжиж буй төмөр замын бүтээн байгуулалттай холбогдох тул тус улстай нүүрсний экспортын асуудлаар яриа хэлэлцээр хийх сонирхолтой буйгаа Монгол Улсын Ерөнхийлөгч Х.Баттулга уулзалтын үеэр илэрхийлж, талууд энэ асуудлаар дахин уулзаж, ярилцахаар болсон юм.

Мөн удахгүй Япон улсад болох зуны олимпын дараа Монгол Улсад “Азийн хүүхдүүд” олон улсын спортын наадам болох тул тэмцээний бэлтгэл ажил болоод залуу тамирчдын бэлтгэх асуудлаар хамтран ажиллахаар ярилцлаа.

Эх сурвалж: PRESIDENT.MN

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж