Хатуу чанга зан чанар, өнгөлөг клипүүдтэй Карди Биг гудамжинд хээв нэг явж байна гэж хэн төсөөлөх билээ дээ. Гэхдээ л ийм зүйл болжээ. Хип хоп од Карди Би өнгөрсөн Ням гариг/2019.12.22/-т Майами дах Авентура дэлгүүрээс баярын бэлтгэлээ хангасан байна. Харин түүнийг хэн ч таньсангүй. Учир нь тэр нүүр будаггүй, үсээ шууж алчуураар ороогоод, энгийн цэнхэр даашинз өмссөн байжээ.

Карди Бигийн олны анхаарлыг татахгүй байх оролдлого ийнхүү амжилтай хэрэгжсэн ч аюулгүй байдлын үүднээс том биетэй гурван хамгаалагч нь түүнийг дагалджээ. Тэрбээр Louis Vuitton, Ferrari, Foot locker, Gucci, хүүхдийн хувцасны тасаг, нарийн боовны газруудаар орсон аж.