Ирэх 2020 оны нэгдүгээр сарын 1-нээс 28 градусаас дээш хатуулагтай согтууруулах ундааны жижиглэнгийн үнийг нэмж байгаагаа ОХУ-ын Сангийн яам цахим хуудсаараа дамжуулан мэдээллээ.

Ингэснээр 0,5 литр нь 388 рубль байсан коньяк 433 рубль болж нэмэгдэх юм. Хамгийн их нэмэгдэж байгаа нь коньяк болж байна. Харин брэнди, кальвадос, виски зэрэг архины 0,5 литрийн дундаж үнэ 315 рубль болох юм. Харин цагаан архины хувьд 190-230 рублийн хооронд хэлбэлзэх ажээ.

Архинаас гадна улаан буудайн спиртийн үнийг мөн нэмсэн байна. Тухайлбал, нэг литр улаан буудайн цэвэр спирт 57 рубль болжээ.