“Зулын 25” өнөөдөр тохиож байна | News.MN

“Зулын 25” өнөөдөр тохиож байна

Хуучирсан мэдээ: 2019.12.21-нд нийтлэгдсэн

“Зулын 25” өнөөдөр тохиож байна

“Зулын 25” өнөөдөр тохиож байна
Билгийн тооллын өвлийн эхэн сарын 25 буюу “Зулын 25” өнөөдөр тохиож байна.  Энэ өдрийг монголчууд эртнээс билэгшээж, зул өргөж, буян үйлдэхэд зориулсаар ирсэн. Учир нь эрдэмтэн судлаачдын ном зохиолд бичсэнээр бурхан шашныг үндэслэгч Богд Зонхова нь зургадугаар жарны "Алтан унжлага" хэмээх гал тахиа жил (1357 он)-ийн өвлийн эхэн сарын 25-ны үүрийн шаргал гэгээ татахуйд орчлонд мэндэлсэн  байна. Мөн Богд Зонхов 8 жарны шороон гахай жилийн (1419 он) аравдугаар сарын (өвлийн эхэн сар) 25-ны үдэш таалал барьжээ. Түүнээс хойш бурханы шашинтан хэн боловч энэ өдрийг “Зулын 25” хэмээн нэрийдэж, зул өргөн, буян үйлддэг их дүйчин өдөр болгожээ.
Өнөөдөр сүм хийдүүд энэ өдөрт зориулсан их хурал айлдаж байгаа юм. Энэ өдөр үйлдсэн буян  хэдэн мянгаар арвиждаг гэж үздэг. Тиймээс нүгэл үйлдэхийг цээрлэдэг. Энэ өдрөөс хойш мал төхөөрөхийг мөн цээрлэдэг уламжлалтай.
Зулын 25-нд хийх зан үйл:
Зулыг ихэвчлэн гадаа өргөж Богд ламыг бодон мөргөдөг. Зарим хүрээ хийдэд ч үдшийн гялаан гарах үед гадаа олон зул өргөж Богд ламын магтаал, залбирал уншина. Мөн айл гэр хотлоор малаа хотлуулсны хойно айл бүрээр орж тос идэж цэнгэдэг.
Зарим газар муулсан малынхаа баруун бөөрний өөхөөр зул хийж өргөдөг нь нэг талаас өөрсдийн хийсэн амьтны амь хорлосон нүглээ наминчилж нөгөө талаас хороогдсон амьтны өөхөөр өргөл өргөж байгаа нь тэр амьтны төрөл дээшлэхэд тустай гэж үздэг.
Энэ мэдээнд өгөх таны сэтгэгдэл?
5
ЗөвЗөв
3
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

бизнес 2019-12-21 51.15.37.97

тийм чадалтай юм бол наад шашин чинь эхлээд өөрийн төвөдөө хөгжүүлэхийг харьяа. худал ярьсан хоолоо олж идэх гэсэн залхуу шаарууд энэ шашинд ордог. луйварчид худалчид

Avatar

Зочин 2019-12-21 146.115.163.21

Mongolchuud mineee. Iim yumnaas bolood l bid ulam uhraad bh yumaa. Uragshlah yumsaan

Avatar

Зочин 2019-12-21 88.18.93.228

Монголчууд гэж нийтэд нь одоо бичиж болохгүй.христ ч байна муслим халхууд ч ихэсч байна.

Avatar

Зочин 2019-12-21 202.9.46.128

үнэн шүү, хэдий би буддын шашинтан гэлээ ч үүнийг үнэн гэж зөвшөөрнө

Avatar

Зочин 2019-12-21 192.82.73.238

Хамаг амьтан зовлон үгүй амгалан орших болтугай.

NewsMN Гар утасны хувилбар Татах
NEWS.mn

Мэдээллийн эх сурвалж