Бодлогын хүүг 11 хувьд хэвээр үлдээлээ | News.MN

Бодлогын хүүг 11 хувьд хэвээр үлдээлээ

Хуучирсан мэдээ: 2019.12.20-нд нийтлэгдсэн

Бодлогын хүүг 11 хувьд хэвээр үлдээлээ

Бодлогын хүүг 11 хувьд хэвээр үлдээлээ

Монголбанкны Мөнгөний бодлогын хорооны 2019 оны 12 дугаар сарын 20-ны өдрийн ээлжит хурлаар Бодлогын хүүг 11 хувьд, Банкны төгрөгийн заавал байлгах нөөцийн хувь хэмжээг 10.5 хувьд хэвээр хадгалах, гадаад валютын заавал байлгах нөөцийн хувь хэмжээг 3 нэгж хувиар нэмэгдүүлж, 15 хувиар тогтоох шийдвэр гаргав.

Жилийн инфляци 2019 оны 11 дүгээр сард улсын хэмжээнд 5.2 хувь, Улаанбаатар хотын хэмжээнд 5.0 хувь байна. Нийлүүлэлтээс шалтгаалсан цөөн бараа, бүтээгдэхүүний үнийн өөрчлөлт нь инфляцийн хэлбэлзлийг тайлбарласан хэвээр байгаа бол эрэлтийн шалтгаантай суурь инфляци тогтвортой байна. Цаашид инфляци Төв банкны зорилтот түвшний орчимд тогтворжихоор байгаа аж.

Экспортын үнэ харьцангуй таатай түвшинд хадгалагдаж, төсвийн зардал тэлж, томоохон төслүүдийн хөрөнгө оруулалт үргэлжилж байгаа ч гадаад орчны тодорхой бус байдлаас шалтгаалан эдийн засгийн өсөлт саарах төлөвтэй. Ирэх онд төсвийн зардал тэлж, цалин нэмэгдэж дотоод эрэлтийг дэмжих боловч уул уурхайн салбарын өсөлт буурч, хөрөнгө оруулалтын өсөлт саарч эдийн засгийн идэвхжил тогтворжих төлөвтэй буй юм байна.

Эдийн засгийн өсөлт болон зээлийн өсөлт саарч буй хандлагатай холбоотойгоор Мөнгөний бодлогын хороо бодлогын хүүг бууруулах хувилбарыг хэлэлцсэн хэдий ч төсвийн гүйцэтгэл, гадаад орчны тодорхой бус байдлыг харгалзан үзээд энэ удаад бодлогын хүүг өөрчлөхгүй байхаар шийдвэрлэв.

Түүнчлэн Мөнгөний бодлогын хорооноос төгрөгийн харьцангуй өгөөжийг хадгалах, улмаар төгрөгийн ханшийн хэлбэлзлийг бууруулах зорилгоор гадаад валютын заавал байлгах нөөцийн хувийг 3 нэгж хувиар нэмэгдүүлэхээр шийдвэрлэлээ.

Энэ мэдээнд өгөх таны сэтгэгдэл?
2
БурууБуруу
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-12-20 202.179.27.48

Guiee mun ih ajil hiij giiguulevee kkkkk

Avatar

zochin 2019-12-20 27.33.10.62

hadglamjiin huuhee buuruulaad zeeliin huugee buuruulmaar yum manaih shig engiin iregdee shulj bgaa uur oron ene delhiid alga arai undur huutei bna zeel avhad hadglamjn arai undur iim yum gj hezee baisiin oligtoihon uls turchin garch ireed ene ih luivriig zogsoogoosoi

Avatar

Зочин 2019-12-20 208.180.184.130

Валютын эсрэг төгрөг чангарч байж хүү буурах боломжтой. Үүнд гурван арга байна. Нэгд төр гадаад худалдаагаа ашигтай хийх. Өөрөөр хэлбэл импортоос оо илүү ихийг экспортлох. Хоёрд иргэд импортын зүйл бус дотоодын бүтээгдэхүүнээ худалдаж авах. Гуравт аж ахуйн нэгжүүд гадаад зах зээлд өрсөлдөх. Нэгэнт л бид чөлөөт зах зээлийг сонгосон учир бие биенээ хардаж сэрдэж муулах хэрэггүй. Иргэн бүр адаглаад л хувцсаа өөрөө хийж өмсөх дотоодын гутал хувцас өмсөх төрд гадаад худалдаагаа ашигтай хийх шаардлагы

Avatar

Зочин 2019-12-20 192.82.77.189

Эхлээд эдийн засгийн мэдлэгтэй болчоод тэгээч энгээч гэвэл дээр байна.зээлийн хүү буурах боломж алга

Avatar

Зочин 2019-12-20 139.5.216.154

Бодлогын хүү 15 хувьд өсгөх байсан юм. 11 хувь үндэслэл муутай тоо.

NewsMN Гар утасны хувилбар Татах
NEWS.mn

Мэдээллийн эх сурвалж