Кавказын цанын баазуудын талаар маш их ярьсан ба одоо бүх материалуудаа нэгтгэж, дүгнэлт хийх цаг болжээ. Оросын Кавказад өвөл амрах шилдэг 5 газрыг та нарт танилцуулж байна.

1. «Эльбрус»

• Мөнх цастай ер бусын оргилууд;
• Уулын энгэр нь налуу учир шинэхэн гулгагчдад хамгийн их тохиромжтой;
• Жилийн 180 хоногийн турш гулгах боломжтой;
• Хүнд болон хялбар гурван замтай ба фрирайдад зориулсан тусгай  хэсэгтэй;
• Цанын баазуудын ойролцоо хаммам, саун зэрэг алжаал тайлах халуун усны, нутгийн өвөрмөц хоолтой зоогийн газар ихтэй ба «Ачису» эрдэст рашаан сувиллын газар луу очих боломжтой.

2. «Чегет»

• Орос дахь цанын хамгийн хүнд, бартаат замууд;
• Сурч байгаа хүмүүст зөвхөн 350 метр хэрчим тохиромжтой ба үлдсэн хэсгүүд нь туршлагатай гулгагчдад зориулагдсан;
• Бартаануудын өндөр нь нэг км-т хүрдэг;
• Уулын зарим энгэр, амуудад хөтөчгүйгээр гулгахыг зөвлөдөггүй.

3. «Домбай»

• Кавказын хамгийн алдартай цанын баазуудын нэг;
• Нийт 25 км урттай 12 зам;
• Уулын энгэр нь налуу учир гулгаж сурч байгаа хүмүүст тохиромжтой;
• Цанаар гулгасны дараа чаргаар наадаж, Орос баня, эсвэл саунд орж, дулаацаж болно.

4. «Роза Хутор»

• Дэлхийн хамгийн урт дүүжинт замуудтай амралтын газар;
• 23 замтай, тэдгээрийн зөвхөн гурав нь мэргэжлийн гулгагчдад зориулагдсан бол ихэнх замууд нь хялбар бөгөөд гулгаж сурч байгаа хүмүүст тохиромжтой;
• Худалдааны төв, усан парк, боулинг, халуун ус гээд амралт, цэнгэлийн олон газруудтай.

5. «Красная Поляна»

• Хүн бүрт зориулагдсан амралтын газар;
• Хүүхэдтэй гэр бүлүүд, мэргэжлийн болон дөнгөж сурч байгаа гулгагчдад тохиромжтой;
• Цанын 40 ба дүүжинт 29 зам;
• Ууланд авирах, морь унах, халуун усанд орох, нисдэг тэргээр аялах гээд идэвхтэй амрахад зориулагдсан.

КАВКАЗЫН АМРАЛТЫН ГАЗРУУДЫН НИЙТЛЭГ ЗҮЙЛС:

• Цанын улирал: 11-р сараас 4-р сар хүртэл.
• Амьдрах газар: янз бүрийн үнэтэй олон төрлийн, олон тооны зочид буудлуудтайгаас гадна хэдэн ч хамаагүй өдрөөр байшин түрээслэж болно.

Хаашаа явж амрахаа сонгочихсон уу?

Эх сурвалж: https://russia.travel/