Ойрын үед хөлбөмбөгийн ертөнцөд дасгалжуулагчдын солилцоо наймаа ихээр явагдаж байна. Оросын Примьер лигийн Рубин Казан баг өөрсдийн шинэ ахлах дасгалжуулагчаар Леонид Слуцкийг томилж буйгаа зарлалаа.

Леонид Слуцкийн хувьд өмнө нь армийн ЦСКА клубыг 2009-2016 онд дагсалжуулж, Оросын аваргад гурван удаа түрүүлж байсан туршлагатай нэгэн билээ. Тэрбээр хамгийн сүүлд Нидерланд улсын Витесс болон Английн Халл сити багуудыг дасгалжуулж байсан юм.

Мөн тэрбээр Оросын шигшээ багийг 2016 оны Европын аварга шалгаруулах тэмцээнд удирдаж байсан. Рубин Казан багийн хувьд Оросын Примьер лигтээ 13-р байрт бичигдэж байна.

Б.МӨНГӨНТАМИР