Америкчууд энэ хэвээрээ буруу хооллосоор байвал ирэх 10 жилийн дотор тэн хагас нь илүүдэл жинтэй болно гэсэн тооцоо гарчээ.

“New England Journal of Medicine” сэтгүүлд нийтлэгдсэн тайлангаас харахад тус улсын 35-аас дээш настай иргэдийн дөрөвний нэг нь хэт таргалалттай буюу байх ёстой жингээсээ 45 килограммаар илүү жинтэй болно гэжээ. Одоогийн байдлаар америкчуудын 18 хувь нь хэт таргалалттай гэсэн тооцоо бий.

Энэхүү тайлан нь сүүлийн зургаан жилийн хугацаанд насанд хүрсэн 26 сая америк хүн дээр хийсэн судалгааны үр дүн гэнэ. Зөвхөн америкчууд ч гэлтгүй амьдралын буруу хэв маяг нь дэлхий даяар, хүн бүрийн анхаарах асуудал гэдгийг судлаачид анхааруулжээ.

Эх сурвалж: CNN