Л.Наранбаатар: Ногдол ашиг өгөх шийдвэрийг хэрэгжүүлэхийг хүслээ | News.MN

Л.Наранбаатар: Ногдол ашиг өгөх шийдвэрийг хэрэгжүүлэхийг хүслээ

Л.Наранбаатар: Ногдол ашиг өгөх шийдвэрийг хэрэгжүүлэхийг хүслээ

Л.Наранбаатар: Ногдол ашиг өгөх шийдвэрийг хэрэгжүүлэхийг хүслээ

УИХ-ын Өргөдлийн байнгын хорооны хуралдаанаар /2019.12.10/ Засгийн газарт “Эрдэнэс-Тавантолгой” компанийн нийт хувьцаа эзэмшигч иргэдэд 2019 оны цэвэр ашгаас ногдол ашиг хуваарилах асуудлыг судалж шийдвэрлэх чиглэл өгсөн. Үүнтэй холбогдуулан “1072 хувьцаа эзэмшигчдийн эрх ашгийг хамгаалах холбоо”-ны тэргүүн Л.Наранбаатартай ярилцлаа.


-УИХ-ын Өргөдлийн байнгын хорооноос “Эрдэнэс Тавантолгой” хувьцаат компани болон Засгийн газарт ногдол ашиг олгох тухай чиглэл өгсөн. Иргэдийн дунд байнгын хорооны шийдвэр гарангуут ногдол ашгаа авна гэсэн хүлээлт үүсчихлээ. Танай холбооны зүгээс энэхүү үр дүн гартал хэдий хэр хугацаа зарцуулав. Ямар бэрхшээлтэй нүүр тулсан бэ?

-Холбооны зүгээс ногдол ашиг хуваарилах асуудлыг тууштай шаардсаар ирсэн. Харамсалтай нь өнөөдрийг хүртэл “Эрдэнэс Тавантолгой” компанийн зүгээс ногдол ашиг олгох асуудлыг хөндсөн манай холбоо болон хувь хүн над руу чиглэсэн янз бүрийн дайралт зохион байгуулж байлаа. Гэсэн хэдий ч бидний тэмцэл, шаардлага тодорхой үр дүнд хүрлээ. Олон нийтийн дэмжлэг, хүлээлт маш чухал үүрэг гүйцэтгэсэн. Ногдол ашиг олгох асуудлыг шийдүүлэхэд багагүй бэрхшээл тулгарсан гэдгийг дурдсан. Холбоо зохион байгуулалтад орж энэ оны зургаадугаар сард 25 мянган хувьцаа эзэмшигчийн гарын үсгийг цуглуулж, УИХ-ын Өргөдлийн байнгын хороонд хүргүүлсэн. Энэ хурал 12 дугаар сарын 10-нд болж, “Эрдэнэс Тавантолгой” компанийг ногдол ашиг өг гэдэг шийдвэр гаргалаа. Тодруулбал, УИХ 1072 хувьцаанд ногдол ашиг өгөх боломжийг олголоо.

-Өргөдлийн байнгын хорооны хурал яагаад ингэж удах болов. Ямар шалтгаан байсан бэ?

-Зургаадугаар сард өгсөн бидний өргөдлийг удаан хугацааны дараа авч хэлэлцсэн хэд хэдэн шалтгаантай. Нэгдүгээрт, Үндсэн хуулийн хэлэлцүүлэг орон даяар өрнөсөн. Энэ хэлэлцүүлэг явагдаж байгаа тохиолдолд бусад хуулиудыг хэлэлцдэггүй, УИХ-ын байнгын хороод хуралддаггүй дэг жаягтай. Энэхүү дэг жаягийн дагуу Үндсэн хууль баталсны дараагаар асуудлыг авч хэлэлцсэн хэрэг. Үндсэн хууль хэлэлцэх асуудал дууссаны дараагаар 2020 төсөв, мөнгөний бодлого батлах асуудал ороод ирсэн. Үүнийг бид тэвчээртэй хүлээгээд манай ээлжит хурал болох гэтэл Уул уурхай, хүнд үйлдвэрийн сайд Д.Сумъяабазар ирээгүй. Харин сая болсон хурал дээр өөрөө ирээгүй ч Төрийн нарийн бичгийн даргаа явуулсан. Салбарын сайд хариуцлагагүй хандсан.

-Өргөдлийн байнгын хорооны хурлаас гарсан шийдвэрийг илүү тодруулах шаардлагатай байна. Ямар, ямар чиглэл, даалгавар Засгийн газарт өгсөн бэ?

-Хурлаар нэлээд үр дүнтэй шийдвэр гарсан. Нэгдүгээрт, 2017-2018 оны цэвэр ашгийг хувьцаа эзэмшигчдээс асуулгүйгээр шууд ногдол ашгийг төмөр замын бүтээн байгуулалт руу оруулсан. Тэгвэл энэ нь үнэхээр үр ашигтай хөрөнгө оруулалт болж чадсан эсэх, ажлынх нь чанар ямар байгааг тайлагна гэсэн үүрэг даалгаврыг Засгийн газарт өглөө. Хоёрдугаарт, компани 2019 онд 1.1  их наядын ашигтай ажиллах хүлээлттэй байгаа бөгөөд үүнээс хэр хэмжээний ногдол ашгийг иргэдэд олгох вэ. Үүнийг судалж, шийдвэрлэ гэдэг үүрэг өгсөн. Гуравдугаарт, 2.5 сая хувьцаа эзэмшигчээс 1.7 сая нь бүртгэлтэй буюу нэрийн данс нээлгэсэн бусад нь бүртгэлгүй байгаад байна. Энэ удааширсан ажлыг хурдасгах. Ногдол ашиг тараах болоход данс нээгээгүй гэдэг шалтгаанаар хойш суугаад байх юм уу. Үүнийг дуусга гэдэг шаардлага тавьсан. Дөрөвдүгээрт компанийн хувьцаа эзэмшигчийн хуралд хувьцаа эзэмшигчийг ногдол ашгаа шаардах, саналын эрхтэйгээр оролцуулах нөхцөл байдлыг ханга гэдэг бидний хүсэн хүлээсэн чухал шаардлага энд тусгалаа олсон. Бидний тавьсан шаардлага үндсэндээ хангагдчихаж байгаа юм. Үүнд баяртай байна. Энэ тэмцэлд хамт байсан хувьцаа эзэмшигчдэдээ, “1072 хувьцаа эзэмшигч” группт элссэн 260 гаруй мянган дэмжигчид, гудамжинд гарч тэмцэж, жагссан иргэд, хуулийн хүрээнд шаардлагуудаа тавьсан мөн ногдол ашгийг шаардахад оролцсон эрдэмтэн, судлаачид, холбооныхоо ТУЗ-ийн гишүүд та бүхэндээ маш их баярлалаа. Бидний хувьд 1072 хувьцаа эзэмшигчид хувьцааныхаа үр шимийг хүртдэг, “Эрдэнэс Тавантолгой” компанийг илүү зөв, сайн засаглалтай болгох хүртэл нь ажиллана. Зөвхөн одоо гарсан шийдвэр бол манай холбооны тэмцлийн нэг л үр дүн гэж харж байгаа.

-“Эрдэнэс Тавантолгой” компанийн хувьд цэвэр ашгийн хэмжээ нь жилээс жилд нэмэгдэж байна. Өнөөдөр жижиг хувьцаа эзэмшигчдийн эрх ашгийг хамгаалах асуудлыг олон улсад төдийгүй Монголд ч үүнийг ярьж байна.  Тэгэхээр 1072 хувьцаа эзэмшигчид хэдий хэмжээний ногдол ашиг авах боломжтой вэ?

-“Эрдэнэс Тавантолгой” компанийн хувьцааг эзэмшиж буй 2.5 сая иргэн байна. Тэд өнөөдрийг хүртэл ногдол ашиг гэж авч байгаагүй. Энэ компани 2017-2018 онд 1.2 их наядын цэвэр ашигтай ажилласан боловч нэг ч төгрөгийн ногдол ашиг өгөөгүй байна. 2019 онд одоогийн байдлаар 1.1 их наяд төгрөгийн цэвэр ашигтай ажилласан гэх урьдчилсан мэдээлэл гарсан байна. Тиймээс 2019 оны ногдол ашиг хувьцаа эзэмшигчдэд нэмэгдэж очих ёстой.

-Нэг иргэн гар дээрээ хэдэн төгрөгийн ногдол ашиг авах урьдчилсан тооцоолол байна вэ?

Энэ компани 2017-2018 онд 1.2 их наяд төгрөгийн ашигтай ажилласан гэхээр нэгж хувьцаанд авч үзэхээр нэг иргэн 84 төгрөгийн ногдол ашиг хүртэх боломжтой юм. Тэгэхээр 1072 хувьцаатай иргэн 90 мянган төгрөгийн ногдол ашиг, ийм хувьцаатай 4-5 ам бүлтэй айл өрхөд 450-500 мянган төгрөгийн ногдол ашиг очих ёстой. Бид 2017-2018 оны үр дүнг ингэж харж байна. Харин 2019 онд бидний тооцоогоор нийт дүнгээрээ 400 орчим мянган төгрөгийн ногдол ашиг очих боломжтой. 2019 оны үр дүнгийн тайлан удахгүй гарах байх. Бид шахаж ажиллана. Шаардлага ч тавих болно. Ямартай ч ногдол ашиг олгох шийдвэрийг гаргуулж чадлаа. 2017-2018 оны ногдол ашгийг бэлэн мөнгөөр өгч чадахгүй бол тэр хэмжээний мөнгөнд тохирох хувьцааг төмөр замаасаа иргэддээ өгчих. Харин 2019 оны ногдол ашгийг бэлэн мөнгөөр нь өгөх дундын хувилбарыг бид дэвшүүлж байгаа.

Өнөөдөр холбооны удирдах зөвлөл хэлэлцээд  УИХ-ын байнгын хорооны 12 дугаар сарын 10-ны өдрийн Засгийн газарт үүрэг болгосон тэмдэглэлийн дагуу хүсэлт “Эрдэнэс Тавантолгой” компанийн Төлөөлөн удирдах зөвлөлд хүргүүллээ. Мөн хэвлэлээр үүнийгээ олон нийтэд нээлттэй хүргэж байна. Манайхаас гаргасан энэ хүсэлтийг та ярилцлагынхаа төгсгөлд тавьж туслаарай. УИХ-ын байнгын хорооноос гарсан шийдвэрийг даруй хэрэгжүүлж ажиллаарай гэдэг шаардлагыг бид тавьж байгаа. Цаг алдмааргүй байна. Иргэдийн хувьд ногдол ашиг авна гэж олон жил харж, хүлээж байна.

Б.МӨНХ-ЭРДЭНЭ

"Болор дуран"-аар шалгав.
Энэ мэдээнд өгөх таны сэтгэгдэл?
5
ЗөвЗөв
1
ГайхмаарГайхмаар
1
БурууБуруу
0
ХахаХаха
0
ХөөрхөнХөөрхөн
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

14 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-12-17 202.9.46.229

Тэр хэдэн төгрөгөөр яах юм бэ. Улс бүтээн байгуулалтаа хийсэн нь дээр шүү. Хийсэн бүтээн байгуулалтууд нь харин Эрдэнэс 5 толгойн хөрнгө болгоод үнэ цэнийг нь өсгөөд явах хэрэгтэй. Наранбаатар бацаанаа одоо боль тэнэгтэхээ зогсоо доо. Чи миний өмнөөс ингэж явах гшааардлага байхгүй.

Avatar

Зочин 2019-12-17 103.212.117.42

Ноогдол ашигаа тэтгэвэрын сан руугаа хиисэн нь дээр дээ бэлэн менге тараах хэрэггуйээ

Avatar

Зочин 2019-12-17 182.160.0.212

Тэтгэвэрийнхны 1072 хувьцаа хэвээрээ байгаа шүү. Сүүлийн 30 жилд Төрийн янз бүрийн луйврын шалтгаанаар бид 1 сая байтугай төгрөгөөр хохирол амсаж байгаа. Үүн дээр Төр унжиж ямар нэгэн суутгал хийх ёсгүй шүү.

Avatar

Увс аймгийн ИТХ-ын 3 төлөөлөгч өнгөрсөн бямба гарагт зуурдаар амиа алджээ. 2019-12-17 185.100.87.206

Тодруулбал, аймгийн ИТХ-ын төлөөлөгч бөгөөд Засаг даргын зөвлөх Д.Мягмарсүрэн, авьяаслаг морин хуурч Э.Идэрцогт нар Увс аймгаас Улаанбаатар хот руу Nissan Juke-тэй явах замдаа Солонготын даваанаас Архангай тал руугаа даваад буудаг хэсгийн эргэлт дээр ийнхүү амь насаа алдаж осолдсон байна. Харин аймгийн ИТХ-ын тэргүүлэгч, цагдаагийн дэд хурандаа Б.Сүх-Очир өнгөрсөн бямба гарагт Өндөрхангай суманд явж байгаад зуурдаар таалал төгсжээ. Энэхүү хэргийг аймгийн Цагдаагийн газар шалгаж байгаа аж.

Avatar

Зочин 2019-12-17 66.181.161.22

Хүнд зүгээр мөнгө битгий өг. Тийм л их мөнгө өгмөөр байгаа юм бол "Нэг хүнээр нүх ухуулаад мөнгө өг. Нөгөө хүнээр тэр нүхийг булуулаад мөнгө өг" гэсэн үг байдаг.

Avatar

Зочин 2019-12-17 182.160.0.212

Бэлэн мөнгө хүнийг үргэлж унагаж байдгийг хүмүүс ойлгох хэцүү,хэцүү. Дахиад Эрдэнэс ТТ -доо хөрөнгө оруул. Дараа 2020 оноос ноогдлоо тараа.

Avatar

Зочин 2019-12-17 202.9.40.51

Сонгууль дөхөөд ирэхээр энэ попорсон, ямар нэг ашиг хонжоо хайгчид улсаа хорлоод эхлэв шив. Олсон орлогоосоо төмөр замаа барих ажил хийгээгүй компанийн хувьцааг IPO хийхэд нь хэн ч авахгүй. Ногдол ашиг 3-5 жилийн дараа бөөнд нь авч болохыг мэдсээр байтлаа ямар санаатай чичрээд дайраад, нэг их хүмүүст тус бологч царайлаад байнаа? Төмөр зам барьж эхлэхгүйгээр олон улсад хувьцаа гаргана гэж юу байхав дээ, үнэ цэнэ нь улам л буурна улсаа хорлогч нараа.

Avatar

zochin 2019-12-17 66.181.176.122

tsuukhun kheden tug-g arkhi bolgood l khayana , ene nukhur odoo ingej poporokhoo boliuosoy . an-ynkhnyg songokhguy shuu dee

Avatar

Зочин 2019-12-17 203.169.49.121

Нам засаг нь сонгуульд амалсан юм бол амалсанаасаа буцаж байгаа юм уу.

Avatar

mgl 2019-12-17 202.179.11.230

1 urhiin saya tugrug arhi, hyatad baraa bolood duusna. tom tom tusulduu hurungu oruulaad tuuneesee nemeed huvitsaa bolgood yaviya. heseg hugatsaanii daraa 1 saya tugrug bish neleed olon saya tugrug avna shuu dee.

Avatar

дэмжиж байна 2019-12-17 182.160.34.193

ЭТТ -н төлөөлөн удирдах зөвлөлөөс шаардаж байна монголын олон нийтиийн эрх ашигийн төлөө хүн энд байна уу?

Avatar

зочин 2019-12-17 64.119.22.183

Наранбаатар мэтийн энержи ресурс, олигархуудын гар хөл болимоор юм, ядуу ард түмний сэтгэлээр битгий тогло, өнөө маргаашийн 80-90 мянган төгрөг тэдэнд гавьтай тус дэм болохгүй, ЭТТ улам хүчирхэг үндэсний том компани болоход одоо та нарын шунал хорсолыг хөдөлгөөд байгаа 900 тэрбум төгрөг маш хэрэгтэй байна. Энэ байдлаар 3-4 жил болоход энержи ресурсынхан бүх юмаа ЭТТ зараад явсан нь өлзий болох вий. 5 жилийн дараа иргэн бүр 500 000 ₮ ноогдол ашиг авах байх шүү

Avatar

Зочин 2019-12-17 202.126.88.172

Ашиггүй өртөгөө хэзээ нөхөх нь тодорхойгүй төмөр замд хийснээс цөөн ч гэсэн тараасан нь зөв.ЭТТолгой, Эрдэнэт гэж төрийн мөнгөөр удирдлагууд нь тоглосон газар байгаа.Дандаа дэмий зүйл хийдэг.Түүхий эдийн үнэ өссөнөөс өөр удирдлагууд нь чадваргүй худлаа гарууд байгаа.

Avatar

зочин 2019-12-17 64.119.22.183

Нүүрс, зэс, машин техник, барилгын материал, шахмал түлшээ ч газар дээр нь хийгээд зөөх гэх мэт олон эрэлт хэрэгцээ байхад юун ашиггүй, өртөг зардлаа нөхөхгүй гэж юу гэж балайраад байгаа юм бэ, төмөр замаа тавиад тэр дор нь тээврээ эхлэх боломжтой Зүүнбаянгийн тз-ыг хурдан дуусгах ёстой, Гашуунсухайтын төмөр зам Хятадаас бүрэн хараат тул бариад дууссан ч нүүрсээ тээхэд олон асуудлыг хятадын талтай тохирох хэрэгтэй, авто тээвэр дээр ямар асуудал бна тэр давтагдана штээ

NewsMN Гар утасны хувилбар Татах
NEWS.mn

Мэдээллийн эх сурвалж